Blàr Allt a' Bhonnaich, 1314 - ��ý Bitesize

B' e Blàr Allt a' Bhonnaich am prìomh bhlàr mu dheireadh de Chogaidhean na Saorsa. Thachair e thar dà latha air 23 agus 24 Ògmhios 1314.

This video can not be played

To play this video you need to enable JavaScript in your browser.

Faigh a-mach mar a rinn Raibeart Brus a' chùis air arm Shasainn aig Blàr Allt a' Bhonnaich.

Ciamar a bhuannaich Raibeart Brus am blàr?

B' e Raibeart Brus a bha os cionn feachd na h-Alba. Nan aghaidh bha feachd Shasannach, fo Rìgh Shasainn, Eideard II, a bha gu math na bu mhotha.

Dh'fheumadh Raibeart a bhith gleusta ma bha e a' dol a bhuannachadh.

Chuir Raibeart na saighdearan aige ann am buidhnean mòra, teann ris an canar sioltroin.

Bha na sioltroin coltach ri gràineagan mòra oir bha ��ì��𲹲� agus sleaghan mòra aca.

Ghabh Raibeart air a shocair mus do thòisich e a' sabaid. Chùm e an fheachd aige sàbhailte a' chiad latha agus dh'fhuirich e gus an dèanadh feachd Shasainn mearachd.

Blàr Allt a' Bhonnaich: Prìomh cheumannan

Skip image gallery

Image caption,
Caisteal Shruighlea
Blàr Allt a' Bhonnaich faisg air Caisteal Shruighlea – an caisteal mu dheireadh ann an Alba a bha fo smachd shaighdearan Sasannach. Bha Caisteal Shruighlea air leth cudromach do mheadhan Alba. Ma bha smachd agad air Caisteal Shruighlea, bha smachd agad air Alba.
Image caption,
A' fuireach am falach
Air a' chiad latha dhen bhlàr, bha feachd Alba am falach am measg nan craobhan sa Phàirc Ùir. Thug seo dìon dhaibh bho bhoghadairean a bha a' losgadh shaighdean.
Image caption,
Ionnsaigh gun fhiosta
Chaidh feachd Alba ann an trì sioltroin mhòra a bha coltach ri gràineagan. Thug iad ionnsaigh thar talamh fosgailte a-null gu ridirean Shasainn. Chuir e uabhas air saighdearan Shasainn gun robh fir a bha a' coiseachd a' toirt ionnsaigh air saighdearan air eich.
Image caption,
A' glacadh feachd Shasainn
Phut na sioltroin Albannach feachd Shasainn air ais gu Allt a' Bhonnaich. Chaidh na Sasannaich a ghlacadh gu tur. Cha robh àite ann dham b' urrainn dhaibh a dhol.
Image caption,
Barrachd cuideachaidh do dh'Alba
Dh'iarr Brus air luchd-taic a' champa tighinn. Cha robh iad nam pàirt dhen phrìomh fheachd, ach cha robh fios aig feachd Shasainn air a sin. Bha dùil aca gur e tuilleadh shaighdearan a bh' annta.
Image caption,
Sasainn air an ratreut
Dh'obraich am plana aig Raibeart. Ghabh feachd Shasainn an t-eagal agus theich iad nam boil. Bha a' bhuaidh le Raibeart Brus agus feachd na h-Alba.

Ath-chluich de shioltron Albannach a' comharrachadh Blàr Allt a' Bhonnaich — Image caption,
Ath-chluich de shioltron Albannach a' comharrachadh an t-700mh ceann-bliadhna de Bhlàr Allt a' Bhonnaich.

Plana Raibeirt airson a' bhlàir

Chuir Raibeart an fheachd aige am falach ann an coille airson a dìon bho bhoghadairean Shasainn
Dh'fhuirich Raibeart gus an deach feachd Shasainn tarsainn air abhainn
Thug na sioltroin aig Raibeart ionnsaigh air feachd Shasainn gun fhiosta dhaibh
Bha feachd Shasainn air a glacadh le taobhan casa air bruach na h-aibhne agus cha b' urrainn dhaibh tilleadh
Thug Raibeart òrdan dha na fir agus dha na boireannaich a bha a' cuideachadh iad gluasad air adhart. Bha na Sasannaich mar sin an dùil gun robh feachd na bu mhotha aige

Dh'obraich am plana aig Raibeart. Thug e a chreidsinn air feachd Shasainn gun robh fiù 's barrachd shaighdearan Albannach a' tighinn agus chaidh iad nam boil.

Chaidh na mìltean shaighdearan Sasannach a mharbhadh. Cha d' fhuair ach a dhà no trì cheudan air ais a Shasainn gu sàbhailte.

More on Daoine, tachartasan agus coimhearsnachdan san àm a dh'fhalbh

Find out more by working through a topic

A bhith beò
count
1 of 28
A' creachadh
count
2 of 28
A' riaghladh
count
3 of 28
A' creidsinn
count
4 of 28

����ý

Ciamar a bhuannaich Raibeart Brus am blàr?

Blàr Allt a' Bhonnaich: Prìomh cheumannan

Plana Raibeirt airson a' bhlàir

More on Daoine, tachartasan agus coimhearsnachdan san àm a dh'fhalbh

��ý