����ý

Mae ����ý Bitesize yma i’ch helpu i ddarparu addysg heb ei hail i’ch plant tra eu bod i ffwrdd o’r ysgol.

Mae’r deunyddiau i gyd wedi eu llunio gan athrawon ac arbenigwyr yn y maes ar ffurf fideos neu weithgareddau byr i ysbrydoli disgyblion cynradd (a’u rhieni!) wrth eu gwaith.

Derbyn i Flwyddyn 2: 3-7 oed (Cyfnod Sylfaen)

Cymraeg

Dyma gasgliad o fideos hwyliog ar gyfer disgyblion yn y Cyfnod Sylfaen sy'n astudio Cymraeg. Mae’r fideos yn dilyn criw o ffrindiau wrth iddyn nhw fynd o gwmpas eu bywydau bob dydd, ac maent yn cael help llaw gan Gelert y ci bob hyn a hyn! Clywir acenion a thafodieithoedd o bob cwr o Gymru, ac mae trawsysgrif o’r cynnwys ar gael yn Gymraeg ynghyd â chyfieithiad Saesneg. Y themâu dan sylw yw y corff; teulu a ffrindiau; teimladau; bwyd a diod; hobïau; chwaraeon a ffitrwydd; y tywydd; clociau; arian; cyfarchion; y cartref; dillad; trefn y dydd; lliwiau; dyddiau'r wythnos; cyfri o 1-10; cyfri o 1-100.

Blwyddyn 3 i 6: 7-11 oed (Cyfnod Allweddol 2)

Cymraeg

Ceir detholiad o fideos a gweithgareddau i helpu disgyblion CA2 sy'n astudio Cymraeg. Mae’r animeiddiadau a’r gweithgareddau hyn yn dilyn criw o ffrindiau a’u ci direidus, Gelert, wrth iddyn nhw fynd o gwmpas eu bywydau bob dydd. Clywir acenion a thafodieithoedd o bob cwr o Gymru, felly mae rhywbeth at ddant pawb. Mae trawsysgrif o sgript y ffilm ar gael yn Gymraeg ynghyd â chyfieithiad Saesneg. Y themâu dan sylw yw y corff; teulu a ffrindiau; teimladau; bwyd a diod; hobïau; chwaraeon a ffitrwydd; y tywydd; lleoedd; clociau; arian; cyfarchion; ysgol; misoedd y flwyddyn; yr wyddor; portread; storïau; ffaith a barn; ymateb i gerdd.

Hanes Cymru

Adnoddau addysgol am bum merch eithriadol o Gymru - Elizabeth Andrews, Betty Campbell, Cranogwen, Elaine Morgan a Margaret Haig Thomas – Merched Mawreddog pob un ohonynt!

Mae pob pecyn dysgu yn yr adnoddau hyn yn cynnwys ffilm, cynllun gwers a gweithgareddau ar gyfer plant 7-11 oed. Mae’r adnoddau yn rhoi cipolwg ar ddigwyddiadau hanesyddol yn ystod cyfnod y merched, ac yn eu cymharu gyda Chymru fodern.

Mae’r cynnwys yn mapio at elfennau o’r Fframwaith Llythrennedd a Rhifedd Cenedlaethol a’r Fframwaith Cymhwysedd Digidol.

Mathemateg

Does dim angen poeni am golli’r wers Mathemateg, achos mae help wrth law gydag adnoddau Cyfnod Allweddol 2 ����ý Bitesize. Ceir yma gyfres o ffilmiau byr wedi eu hanimeiddio, a fydd yn rhoi naws o hwyl a sbri i unrhyw ddisgybl ifanc wrth ddod i’r afael â Mathemateg. Y themâu dan sylw yw Rhif; Mesurau ac arian; Siâp, safle a symud; Trin data.