����ý

Gwario arian yn y ffair

BETHAN W, dw i’n edrych ymlaen at y ffair.

Edrycha, stondin cnau coco!

Un, dau. Mae’n rhaid taro’r cnau coco i lawr!

Dw i eisiau tro!

Does gen i ddim arian. Faint o arian sy’ gen ti?

CHARLIE Mae un, dwy, tair punt gyda fi.

BETHAN Ga i fenthyg punt os gweli di’n dda?

CHARLIE Cei.

BETHAN Diolch.

Un, dau! Ieeei! Dw i wedi ennill dau docyn.

Edrycha, stondin bachu hwyaid!

Un, dwy, tair, pedair. Mae’n rhaid bachu pedair hwyaden!

Dw i eisiau tro!

Ga i fenthyg punt eto os gweli di’n dda?

CHARLIE Cei.

BETHAN Un, dwy, tair, pedair! Ieeei! Dw i wedi ennill pedwar tocyn.

Edrycha, stondin hŵpla!

Un, dau, tri, pedwar.

Mae’n rhaid taflu’r cylchoedd o gwmpas y pedwar côn.

Dw i eisiau tro!

CHARLIE Dyma ti.

BETHAN Un, dau, tri, pedwar! Ieeeei! Dw i wedi ennill pedwar tocyn!

CHARLIE Sawl tocyn sy’ gyda ti?

BETHAN Un, dau, tri, pedwar, pump, chwech, saith, wyth, naw, deg!

Mae gen i ddeg tocyn.

Ga i wobr dda rŵan.

CHARLIE O, diolch.

Dw i'n mynd i alw'r ci yn Smot!

Smot yw'r ci gorau yn y byd i gyd.