Plotio a darllen diagramau gwasgariad

Darllen diagramau gwasgariad

Mae canlyniadau Cymraeg a mathemateg deg disgybl wedi eu dangos yn y tabl isod:

	Sali	Kim	Wil	Twm	Guto	Alex	Begw	Cen	Alan	Jo
Marc mathemateg	\({20}\)	\({71}\)	\({60}\)	\({52}\)	\({80}\)	\({32}\)	\({47}\)	\({90}\)	\({49}\)	\({80}\)
Marc Cymraeg	\({30}\)	\({80}\)	\({65}\)	\({50}\)	\({81}\)	\({38}\)	\({40}\)	\({87}\)	\({55}\)	\({70}\)

Marc mathemateg
Sali	\({20}\)
Kim	\({71}\)
Wil	\({60}\)
Twm	\({52}\)
Guto	\({80}\)
Alex	\({32}\)
Begw	\({47}\)
Cen	\({90}\)
Alan	\({49}\)
Jo	\({80}\)

Marc Cymraeg
Sali	\({30}\)
Kim	\({80}\)
Wil	\({65}\)
Twm	\({50}\)
Guto	\({81}\)
Alex	\({38}\)
Begw	\({40}\)
Cen	\({87}\)
Alan	\({55}\)
Jo	\({70}\)

I weld a oes cydberthyniad rhwng y marciau mathemateg a Chymraeg, gallet ti blotio diagram gwasgariad.

Mae’r marc mathemateg ar y raddfa lorweddol a’r marc Cymraeg cyfatebol ar y raddfa fertigol.

Marc mathemateg Wil oedd \({60}\) a’i farc Cymraeg oedd \({65}\), felly mae ei ganlyniadau wedi eu cynrychioli gan y pwynt porffor ar gyfesurynnau \(({60},~{65})\).

Skip image gallery

Image caption,
Diagram gwasgariad enghreifftiol
Mae’r diagram yn dangos marciau mathemateg a Chymraeg.
Image caption,
Diagram gwasgariad enghreifftiol
Mae’r pwynt yn dangos marc mathemateg 60 a marc Cymraeg 65.
Image caption,
Diagram gwasgariad enghreifftiol
Mae’r llinellau’n dangos y pwyntiau o’r echelin at y cyfesuryn.

Question

Yn y diagram gwasgariad uchod, marc pwy sydd wedi ei gynrychioli gan y groes borffor?

Mae'r diagramau isod yn dangos sut gelli di ddehongli cydberthyniad gan ddibynnu ar batrwm y gwasgariad.

Cydberthyniad positif

Mae’r pwyntiau’n gorwedd yn agos at linell syth, sydd ar raddiant positif.

Mae hyn yn dangos, wrth i un newidyn gynyddu, bod y llall yn cynyddu.

Cydberthyniad negatif

Mae’r pwyntiau’n gorwedd yn agos at linell syth, sydd ar raddiant negatif.

Mae hyn yn dangos tra bod un newidyn yn cynyddu, y mae'r llall yn gostwng.

Dim cydberthyniad

Does dim patrwm i’r pwyntiau.

Mae hyn yn dangos nad oes cysylltiad rhwng y ddau newidyn.

Question

Fyddet ti’n disgwyl cael cydberthyniad positif, cydberthyniad negatif, neu ddim cydberthyniad rhwng y parau o newidynnau canlynol:

a) Tymheredd a gwerthiant hufen iâ

b) Taldra a deallusrwydd

��ý

Cynrychioli dataPlotio a darllen diagramau gwasgariad