����ý

Gall cyfrifiaduron weithio mewn llawer o wahanol ffyrdd. Weithiau mae angen systemau gweithredu gwahanol a chymhleth.

Prosesu amser real

Pan mae’r cyfrifiadur yn gorfod ymateb i fewnbwn o fewn amser penodol, mae system weithredu amser real (RTOS) yn cael ei defnyddio. Er enghraifft, mae system reoli injan car yn defnyddio system weithredu amser real er mwyn ymateb i adborth o synwyryddion sydd wedi’u gosod yn yr injan.

Nid oes rhaid i system weithredu amser real fod yn gyflym o reidrwydd, ond mae’n rhaid iddi fod yn ddigon cyflym i ymateb i fewnbynnau mewn ffordd y mae’n bosibl ei rhagweld. Mae cyfrifiaduron sydd wedi’u mewnblannu yn aml yn cynnwys RTOS gan fod llawer ohonyn nhw’n cael eu defnyddio i reoli rhywbeth.

Mae cyfrifiaduron sy’n gweithredu mewn amser real yn aml wedi’u neilltuo ar gyfer rheoli systemau, fel prosesau diwydiannol, awyrennau a theithiau i’r gofod.

Amlraglennu

Mae amlraglennu yn ddull o weithredu lle mae’n ymddangos bod llawer o raglenni yn gweithio yr un pryd.

�Ѳ���’r system weithredu yn symud tasgau i mewn ac allan o amser prosesydd yn ôl trefn blaenoriaeth. Er enghraifft, tra mae amser argraffydd yn cael ei neilltuo ar gyfer un dasg, bydd tasg arall yn cael ei phrosesu yn y cof. �Ѳ���’r prosesydd yn gweithio mor gyflym fel ei bod yn ymddangos bod llawer o dasgau’n cael eu prosesu yr un pryd.

Swp-brosesu

Mewn system swp-brosesu mae rhaglenni neu ddata yn cael eu casglu at ei gilydd mewn swp ac yn cael eu prosesu gyda’i gilydd. Fel arfer mae’r gwaith o brosesu cyflogau, biliau trydan, anfonebau a thrafodion dyddiol yn cael ei wneud fel hyn.

�Ѳ���’r dull hwn o weithredu’n addas ar gyfer tasgau sydd â mewnbynnau, dulliau prosesu ac allbynnau tebyg lle nad oes angen i bobl ymyrryd. Mae tasgau’n cael eu storio mewn ciw nes bydd y cyfrifiadur yn barod i’w gwneud. Yn aml iawn mae tasgau sy’n cael eu swp-brosesu yn cael eu gwneud dros nos.

Prosesu rhyngweithiol

Mewn system brosesu ryngweithiol mae’r tasgau ar y system gyfrifiadurol yn galw am gyfnewid gwybodaeth yn barhaus rhwng y defnyddiwr a’r system gyfrifiadurol. �Ѳ���’r system hon yn cael ei hystyried fel y gwrthwyneb i swp-brosesu.

Amlorchwyl

Nid rhedeg mwy nag un ap yr un pryd yw’r unig beth sy’n digwydd mewn dull prosesu amlorchwyl. Mae prosesu amlorchwyl yn caniatáu i nifer o orchwylion gael eu cyflawni yr un pryd, gan gymryd eu tro i ddefnyddio adnoddau’r cyfrifiadur.

Gall hyn olygu rhedeg ap neu ddau, anfon dogfen i’r argraffydd a chael tudalen we i lwytho i lawr.

Amlfynediad neu amlddefnyddiwr

Gall cyfrifiaduron personol modern ganiatáu mynediad amlddefnyddiwr. Mae system amlfynediad (neu amlddefnyddiwr) yn un lle gall nifer o ddefnyddwyr ddefnyddio’r un system gyda’i gilydd drwy rwydwaith LAN.

�Ѳ���’r CPU yn ymdrin â defnyddwyr yn eu tro; wrth gwrs, os bydd mwy o ddefnyddwyr, bydd yr amser ymateb yn arafach. Yn gyffredinol, fodd bynnag, mae’r prosesydd mor gyflym fel nad yw’r amser ymateb fawr mwy na chwinciad ac mae’r defnyddiwr yn teimlo bod ei gais yn cael sylw ar unwaith.