����ý

Cerrynt eiledol (c.e.)

Yr enw am gerrynt sy’n newid cyfeiriad yn gyson yw cerrynt eiledol, neu c.e. Mae trydan o’r prif gyflenwad yn gyflenwad c.e. Mae prif gyflenwad trydan y Deyrnas Unedig tua 230 V. Amledd y prif gyflenwad ydy 50 Hz, sy’n golygu ei fod yn newid cyfeiriad ac yn ôl eto 50 gwaith yr eiliad. Mae’r diagram yn dangos sgrin osgilosgop sy’n arddangos y signal o gyflenwad c.e.

Cerrynt union (c.u.)

Yr enw am gerrynt sy’n llifo mewn un cyfeiriad yn unig yw cerrynt union, neu c.u. Mae batrïau a chelloedd solar yn cyflenwi trydan c.u. Gall batri cyffredin gyflenwi 1.5 V. Mae’r diagram yn dangos sgrin osgilosgop sy’n arddangos y signal o gyflenwad c.u.