����ý

Mae’r gân Anifail yn ymddangos ar albwm cyntaf Candelas - Candelas - a gafodd ei ryddhau yn 2013.

Er bod y teitl yn awgrymu ei bod hi’n gân am anifeiliaid, mae’r geiriau’n drosiad sy’n rhybuddio sut mae rhai pobl yn gallu ymddwyn pan fyddan nhw’n mynd allan am y noson, gan awgrymu eu bod nhw’n troi’n anifeiliaid.

Cywair

Mae’r gân wedi’i hysgrifennu yng nghywair E leiaf.

Gwead

Mae’r gwead yn homoffonig ac yn bennaf yn alaw a chyfeiliant. Mae hyn yn nodweddiadol o gerddoriaeth roc a phop.

Offeryniaeth ac ansoddau

Mae gan Candelas batrwm band roc nodweddiadol, sef drymiau, gitarau, gitâr fas a chanwr. Mae’r gitâr yn chwarae cordiau wedi’u hystumio, yn enwedig yn rhannau’r gytgan, sy’n nodweddiadol o’r arddull gerddorol hon.

Tempo

Mae modd disgrifio’r tempo fel curiad roc cymharol fywiog gyda thempo roc 4/4 nodweddiadol.

Dynameg

Mae’r darn gan mwyaf yn forte, fel y rhan fwyaf o ganeuon roc, ac nid oes newid o bwys yn y ddynameg ar unrhyw adeg.

Adeiledd

Adeiledd pennill a chytgan sydd i’r gân, a stroffig yw’r enw ar hyn. Mae adeiledd cyfan Anifail fel hyn.

1. Rhagarweiniad
2. Pennill 1
3. Cyn-gytgan
4. Cytgan
5. Pennill 2
6. Cyn-gytgan
7. Cytgan
8. Unawd offerynnol
9. Cyn-gytgan
10. Cytgan/diweddglo offerynnol

Harmoni

Mae harmoni’r gân Anifail wedi’i seilio ar ��í�ڴ� gitâr sy’n ailadrodd ac yn cael ei ddefnyddio drwy’r gân i gyd.

Mae’r gân yn defnyddio’r dilyniad cordiau Em-C-Bm yn y rhagarweiniad, y pennill a’r gytgan.

Mae modd clywed y dilyniad cordiau hwn yn glir yn y gytgan, lle mae’r ��í�ڴ� o’r rhagarweiniad yn cael ei ddefnyddio i yrru’r gerddoriaeth yn ei blaen.

Mae’r gytgan yn cael ei chyflwyno gan gyn-gytgan mewn cywair mwyaf, sy’n cynnwys nodau pwyslais a symudiad cromatig i greu cyferbyniad â’r brif gytgan sy’n dilyn.

Mae cordiau pŵer – sef pan fydd trydydd y cord wedi’i hepgor – yn cael eu defnyddio yn y gân yma i greu sain gryf.