����ý

Iaith raglennu syml er mwyn llunio tudalennau gwe yw HTML (Hyper Text Markup Language). Mae’n defnyddio set o dagiau wedi’u rhagddiffinio sydd wedyn yn cael eu dehongli a’u darparu/arddangos gan y porwr gwe.

Gweithio gyda HTML

Fel arfer mae HTML yn cael ei ysgrifennu (neu ei gynhyrchu) mewn dwy ffordd:

1. gan ddefnyddio golygydd testun plaen, er enghraifft Notepad, Notepad++, TextPad, ac yn y blaen
2. gan ddefnyddio golygydd WYSIWYG (What You See Is What You Get), er enghraifft Dreamweaver, iWeb, SeaMonkey Composer, ac yn y blaen

Golygydd testun plaen

Mae golygydd fel Notepad yn cynnig mwy o reolaeth dros y cod o’i gymharu â golygydd WYSIWYG gan fod pob nod sy’n ffurfio’r HTML a’r dudalen we sy’n dilyn yn cael ei deipio â llaw. Yr anfantais yw bod hon yn broses araf.

Golygydd WYSIWYG

Mae’r dudalen we yn cael ei chynllunio, a’r cynnwys yn cael ei ysgrifennu a’i arddullio, gan ddefnyddio cyfres o offer. Mae’n bosibl cael rhagolwg o’r dudalen yn y porwr rhagosodedig sydd yn y rhaglen. Mae hyn yn gwneud y broses o lunio tudalen we yn llawer cyflymach oherwydd does dim angen llawer o wybodaeth am HTML gan ei fod yn cael ei gynhyrchu’n awtomatig. Er hyn, mae’n bosibl golygu’r cod â llaw o hyd.