����ý

Os yw sylwedd yn hydawdd bydd yn hydoddi mewn swm penodol o hylif, sef yr ‘hydoddydd’.

Pan nad oes modd hydoddi hydoddyn mewn hydoddydd, yna mae'r hydoddiant yn cael ei alw'n ddirlawn.

Mae gan bob sylwedd hydoddedd gwahanol. Mae’r tabl hwn yn dangos hydoddedd sylweddau mewn dŵr ar 20°C. Mae hydoddedd wedi’i ddangos mewn gramau o hydoddyn i bob 100 g o ddŵr.

Mesur hydoddedd

I gyfrifo hydoddedd solid mewn dŵr, rydyn ni’n defnyddio’r dull canlynol.

1. Mesur yn fanwl gywir 100 cm³ o ddŵr a’i roi mewn bicer.
2. Ychwanegu symiau bach o’r hydoddyn nes does dim mwy’n gallu hydoddi.
3. Cofnodi màs dysgl anweddu.
4. Hidlo’r cymysgedd fel bod y solid sydd heb hydoddi’n cael ei adael ar ôl a’r hydoddiant yn y ddysgl anweddu.
5. Gwresogi neu anweddu i gael gwared â’r dŵr.
6. Pwyso’r ddysgl anweddu gyda’r hydoddyn ynddi a chyfrifo màs yr hydoddyn oedd wedi hydoddi.