����ý

Yn y DU, rydyn ni'n tueddu mesur pellterau mawr mewn milltiroedd, a phellterau llai mewn metrau. Cyn y gallwn ni ddeall sut i drosi rhwng yr unedau hyn, yn gyntaf mae'n rhaid i ni ddeall y gwahaniaethau rhwng centimetrau, metrau a chilometrau.

Mae metr yn uned fetrig safonol o hyd sy'n gallu cael ei haddasu trwy ddefnyddio rhagddodiad metrig fel mili, centi neu gilo. Gellir defnyddio'r rhagddodiaid hyn yn achos unrhyw uned fetrig a dylet ti eu hadnabod o fywyd bob dydd.

Cilo

Mae'r rhagddodiad cilo yn golygu 1,000 neu 10³ mewn ffurf safonol. Felly cilometr yw 1,000 m, cilogram yw 1,000 g a chilowat yw 1,000 W.

Centi

Mae'r rhagddodiad centi yn golygu 0.01, 10^-2 neu ganfed. Centimetr yw 0.01 metr a chentilitr yw 0.01L.

Mili

Mae'r rhagddodiad mili yn golygu milfed, 0.001 neu 10^-3.

Efallai dy fod wedi sylwi bod yr holl ragddodiaid metrig yn bwerau 10, ond mae yna 12 modfedd mewn troedfedd a 5,280 troedfedd mewn milltir! Dyma'r rheswm pam y mabwysiadwyd y system fetrig yn lle'r hen system imperial o fesuriadau.

Mae yna ddwy ffordd i drosi rhwng milltiroedd a chilometrau - trosi union a throsi bras.

1 milltir = 1.6093.44 km neu 1 km = 0.6213712 milltir.

I drosi o filltiroedd i gilometrau, yn gyntaf byddi di'n lluosi ag 8 yna'n rhannu â 5.

I drosi o gilometrau i filltiroedd, byddi di'n gwneud y gwrthwyneb – lluosi â 5 yna rhannu ag 8.

Nid oes angen i ti gofio'r union drosiad, ond bydd disgwyl i ti wybod y brasamcan.