����ý

Mae trydan yn cael ei ddosbarthu o orsafoedd trydan i ddefnyddwyr drwy’r Grid Cenedlaethol, sy’n ein galluogi ni i ddefnyddio gorsafoedd trydan pell. Mae hefyd yn ein galluogi ni i ddefnyddio cymysgedd o wahanol ffynonellau egni yn effeithlon i gyflenwi trydan y wlad, beth bynnag yw’r galw lleol.

Mae’r Grid Cenedlaethol yn sicrhau cyflenwad trydan dibynadwy. Os yw un orsaf drydan yn torri i lawr, mae’r grid yn dal i gyflenwi trydan o’r gorsafoedd eraill yn y grid. Mae’r Grid Cenedlaethol hefyd yn ymateb i’r galw am drydan – gan gyflenwi mwy ar adegau prysur.

Prif nodweddion

Mae’r diagram hwn yn dangos prif nodweddion y Grid Cenedlaethol.

Mae gorsafoedd trydan yn cynhyrchu trydan ar 25,000 V. Mae newidyddion codi yn newid y foltedd i’r gwerthoedd uchel iawn sydd eu hangen i drosglwyddo trydan ar hyd llinellau pŵer y Grid Cenedlaethol. Mae trydan yn cael ei anfon drwy’r rhain ar 400,000 V, 275,000 V neu 132,000 V. Mae foltedd trydan mewn cartrefi tua 230 V.

Gallwn ni ddefnyddio’r hafaliad hwn i gyfrifo pŵer trydanol.