����ý

Bha Florence Dixie ri siubhal, ri sgrìobhadh agus bha i na neach-naidheachd cogaidh. Bha i ag iomairt airson còraichean bhoireannach agus b' i a' chiad cheann-suidhe a bha air Club Ball-coise Mnathan Bhreatainn.

Carson a bha a' Bhean-uasal Florence Dixie cudromach?

Thug Florence Dixie taic do chòraichean bhoireannach gu math tràth sa chùis. Bha i dhen bheachd gum bu chòir na h-aon chòraichean a bhith aig fir agus mnathan ann an cùisean mar ����ò�ٲ���� agus ��ò�������.

Chleachd i na leabhraichean aice airson a beachd a chur an cèill gum bu chòir dèiligeadh gu cothromach ri fir agus ri mnathan. Ann am fear dhe na leabhraichean a sgrìobh i ann an 1890, rinn i ro-innse gum biodh prìomh mhinistear boireann ann am Breatainn ro 1999. Agus bha i ceart!

Bha i cuideachd dhen bheachd gum bu chòir cothrom a bhith aig fir agus aig mnathan na h-aon rudan a dhèanamh, mar eisimpleir ball-coise.

Tachartasan ann an eachdraidh ball-coise mhnathan

• 7 Cèitean 1881 - Easter Road, Dùn Èideann. A' chiad ghèam de bhall-coise nam mnathan air a chluich a rèir Riaghailtean an FA. Bha sgiobaidhean a' riochdachadh Shasainn agus Alba a' cluich air beulaibh sluagh san robh mu 1,000 neach. Bhuannaich Alba 3-0.

• 16 Cèitean 1881 - Shawfield, Glaschu. Bha an dara gèam eadar Sasainn agus Alba air beulaibh còrr is 5,000 neach. Chrìochnaich an gèam nuair a ruith an sluagh air a' phàirc agus a chuir iad an gèam às a chèile.

• 1881 - Chaidh gèam eile ann an Glaschu a chur dheth, ach chaidh geamannan a chluich ann am Blackburn, Bradford, Manchester agus Liverpool.

• 1894 – Thòisich Nettie Honeyball a' chiad Sgioba Ball-coise Mnathan Bhreatainn. Bha Florence Dixie na Ceann-suidhe agus bhiodh i a' cur gheamannan ball-coise mhnathan air dòigh do charthannas.

• 23 Màrt 1895 - Crouch End, Lunnainn – Bha a' chiad ghèam de Sgioba Ball-coise Mnathan Bhreatainn air beulaibh 10,000 duine. Rinn an 'Tuath' a' chùis air an 'Deas' 7-1.

Na ���󾱳���ò�������Բ������� agus spòrs

• Bha na ���󾱳���ò�������Բ������� measail air spòrs, gu h-àraidh ball-coise, criogaid, goilf agus teanas.

• B' ann an linn Bhictòria a chaidh tòrr dhe na riaghailtean airson diofar sheòrsaichean spòrs a sgrìobhadh an toiseach, mar iomain, an spòrs Albannach. Bidh dà sgioba le camain agus ball ann an gèam iomain.

• Thòisich tòrr dhe na tachartasan ainmeil ann an spòrs ann an linn Bhictòria – mar eisimpleir, a' chiad ghèam teanas eadar fir aig Wimbledon, a' chiad ghèam criogaid eadar-nàiseanta agus a' chiad Nuadh-gheamannan Oilimpigeach.