Blàr Beinn Lughdain, 1307 - ��ý Bitesize

Chaill an fheachd Albannach aig Raibeart Brus an aghaidh Shasainn aig Blàr Mheithinnidh ann an 1306. Bliadhna às dèidh sin, bha na feachdan aige an aghaidh an aon sheanalair Sasannach aig Lùghdain. An turas seo, bhiodh a' bhuaidh le Brus.

This video can not be played

To play this video you need to enable JavaScript in your browser.

Blàr Beinn Lughdain, 1307

Ciamar a bhuannaich Raibeart Brus am blàr?

Bha am blàr seo uabhasach cudromach do Raibeart Brus. B' e rìgh ùr a bh' ann a dh'fheumadh e fhèin a dhearbhadh. Ann an 1306 bha e air call ann an ionnsaigh gun dùil aig Meithinnidh, faisg air Peairt, an aghaidh fheachdan Sasannach le Iarla Phembroke os an cionn.

Ann an 1307, bha e a-rithist an aghaidh an Iarla agus feachd Shasannach, an turas seo ann an Siorrachd Àir. Dh'ionnsaich Brus le mar a chaill e aig Meithinnidh agus an turas seo bha e ullaichte.

Dè th' ann an 'cogadh guerrilla'?

Ann an cogadh guerrilla bidh feachd bheag a' sabaid ri feachd nas motha le bhith seòlta, air a deagh ullachadh agus a' dèanamh ionnsaighean gun dùil riutha seach a bhith a' coinneachadh an aghaidh a chèile air blàr-catha.

Seo a rinn Brus airson a' chùis a dhèanamh air feachd Shasannach na bu mhotha aig Lughdain. Bha Brus faiceallach mun talamh a thagh e agus chuir e ribe an sàs dha na ridirean Sasannach a bhiodh air eich.

Blàr Beinn Lughdain: Prìomh cheumannan

Skip image gallery

Image caption,
Chuir Brus an fheachd aige air mullach beinne. Bha an talamh bog air gach taobh agus chan fhaigheadh ridirean Shasainn mun cuairt air. Dh'fheumadh iad ionnsaigh bhon aghaidh.
Image caption,
Bha Iarla Phembroke os cionn 3,000 ridire Sasannach. Bha e air Brus a chur fodha aig Meithinnidh bliadhna roimhe sin.
Image caption,
Dh'iarr Brus sluic mhòra a chladhach air beulaibh na feachd aige. Chaidh na sluic a lìonadh le spìcean biorach fiodha. Bha seo na ribe do ridirean Shasainn agus dha na h-eich aca.
Image caption,
Cha robh guth aig Iarla Phembroke air an ribe agus thug e òrdan do ridirean Shasainn ionnsaigh a thoirt air an fheachd bheag, Albannach.
Image caption,
Thug an ionnsaigh na ridirean Sasannach a theis-meadhan ribe Bhrus. Mus faca iad na sluic agus na spìcean, bha e ro fhadalach.
Image caption,
Thuit sreathan toisich nan ridirean dha na sluic agus chaidh an glacadh air na spìcean. Bhuail an còrr dhe na ridirean anntasan. Thug sin cothrom dha na h-Albannaich am marbhadh. Theich an fheadhainn a b' urrainn de ridirean Shasainn.