Llwch yn y llygaid?
ER i dim Criced Awstralia orfod dychwelyd adref heb eu lludw gwerthfawr yr oedd ganddyn nhw serch hynny lestr lludw i fynd ardref efo nhw.
Cyflwynwyd Llestr y Lludw sef gwaith celf a grëwyd gan artist o Sir Benfro, Laura Thomas, i Gyfarwyddwr 'Cricket Australia', Dr John Bannon, gan y Gweinidog Treftadaeth, Alun Ffred Jones i nodi'r ffaith mai yng Nghymru y chwaraewyd gêm gyntaf y gyfres.
Mae'r llestr yn adlewyrchiad o droelliad pêl griced ac nid yn unig yn coffau'r prawf cyntaf i'w gynnal erioed yng Nghymru ond hefyd yn symbol o gyfeillgarwch Cymru ac Awstralia meddai yn ei gylchlythyr diweddaraf.
Talwyd am y llestr gan Lywodraeth y Cynulliad, Cyngor Celfyddydau Cymru a SAFLE-celf cyhoeddus Cymru.
Wnai ddim taflu llwch i lygaid neb trwy awgrymu y bydd yn gwneud iawn am golli'r prawf a go brin y caiff gymaint o groeso a'r llestr lludw go iawn - ond o leiaf wnaethon nhw ddim gadael yn waglaw!
