´óÏó´«Ã½

• Mi fydd yn rhaid iti gymryd be ti'n gael, fel pawb arall.
• Mi fydd o'i gyd drosodd yr amser yma'r wythnos nesa . . .
• Mae hyd yn oed y goedan blastig yn colli'i dail.
• Mae Santa Clos yn gwatsiad . . .
• Dyma 'chi geiniog newydd sbon - mae honna werth punt yn Tesco! [Wrth roi newid i gwsmer yn Smiths Caernarfon.]
• Pres dwi'n roi i bawb lenni - dydw i ddim yn gweld pwrpas gwario'n wirion.
• Peth i'r plant ydi o'n te . . . [Dynes rhwng y silffoedd diod yn Asda.]
• Mi fydd o'n rhywbeth iddo fo wneud bore Dolig - ei roi o wrth ei gilydd.
• Mi fydda i'n rhoi list [siopio] i'r ferch ac mae hi'n i wneud o'i gyd imi [Hen wraig yn mwynhau paned a chacen].
• Dwi di torri lawr ar Grusmas cards 'leni.
• Pam ma pobol yn dŵad i siopio Dolig efo pramiau, wn i ddim.
• Dwi iso . . .
• Mi wnaiff hwn yn iawn iddo fo - dydi o ddim yn disgwyl llawer.
• Mi wnaiff hwn yn iawn i Jane yn risepsion - mae hi'n rhywun sy'n mynd reit fyny nhrwyn i beth bynnag.
• Dydw i ddim yn gwybod i brynu rhywbeth i Jac neu beidio - ta disgwyl iddo fod beidio prynu rhywbeth i mi a gwneud yr un peth yn ôl iddo fo, flwyddyn nesa.
• Be ti iso 'ta? [mewn siop lyfrau] Rhwbath ond 'Y Llyfrgell'.
• Cant o lefydd i'w gweld cyn marw? Mi fasa'n well gen i farw na mynd i rai ohonyn nhw.
• Mae na bractus rhywbeth bob nos. Mae'r capeli ma fasa sa'n nhw'n mynd yn wallgo dros Dolig fel hyn.
• Triwch chi wneud dafad mewn noson. Mae isio mwy o notis na hynna.

Y diwrnod ei hun - ac wedyn

• Mae o wedi chwarae mwy efo'r bocs na beth oedd yno fo.
• Nid un fel'na sydd gan bawb arall mae rhai nhw yn . . .
• Dwi'm yn dallt honna [am jôc cracyr]. Does na'm byd i'w ddallt.
• Mae hwnna rhwng pawb - rŵan stopiwch ffraeo.
• Wel, jyst un bach 'ta. Rhag bod yn wahanol.
• Os ydio rhwng pawb pam mae o efo fo trwy'r amser?
• Dwi'n cofio pan oeddech chi'n cael dim byd ond orenj a phâr o sana.
• Dwi di cadw'r risît os byddi di eisiau'i newid o.
• Eira? Mae o'n neis ar Grusmas cards.
• Newid hinsawdd? Mae gynnon ni rosyn yn yr ardd.
• Mam - mae Santa'n cael yr un papur lapio a ni!
• Sut yda chi'n gwybod i fod o'n barod? [Am y tyrci]
• Does na ddim byd ar y teledu - eto leni.
• Tudur Owen o'r Doc? Yn y blydi doc fasa'n well.
• Iesgob! Paid a newid hwnna bob munud. Tyd â'r rimôt i mi.
• Dwi'n cofio pan oedd yna ffilms diwrnod Dolig. A Morecambe and Wise sbesial.
• Wel, mae gen i dipyn bach o dyrci oer os leciwch chi.
• Ar ôl yr holl draffarth . . .
• Dyna ni am flwyddyn arall - pwy bynnag fydd yma.

Nadolig Llawen ichi gyd. Mwynhewch. A chofiwch anfon y risît efo unrhyw anrheg . . .