Dethol geiriau dethol
Ar ddydd Gwener - ail fyw'r wythnos drwy trwy flasu rhai o'r pethau a ddywedwyd gan wahanol bobl yn y wasg ac ar y cyfryngau. A gwahoddiad i chwithau rannu y doniol, y difyr neu'r dwys â ni.
Dyfyniadau
- Fe all deddfau Cymreig o safon wneud gwir wahaniaeth i fywydau pobl yng Nghymru - Carwyn Jones AC, Prif Weinidog Cymru, yn dilyn y bleidlais o blaid refferendwm.
- Does dim rhaid ichi fod yn Polyanna y bêl hirgroen i fod yn gadarnhaol ynglŷn â gobeithion y Cymry heddiw - Carolyn Hitt yn y Western Mail cyn y gêm yn erbyn Lloegr.
- Yr oedd yn drip i'w anghofio - Carolyn Hitt yn y Western Mail wedi'r gêm yn erbyn Lloegr.
- Yr oedd hi'n unai fi neu nhw - Simeon Howells o'r Gwarchodlu Cymreig wedi iddo ladd 13 o filwyr Taliban yn Affganistan.
- Mae o'n hapus gyda sefyllfa lle mae'r Llywodraeth yn bwydo plant â brecwast am ddim ond yn eu starfio o werslyfrau ac athrawon. Fedrwch chi ddim amddiffyn bwlch o £500 trwy chwifio tamaid o dôst - Arweinydd y Democratiaid Rhyddfrydol, Kirsty Williams AC, ar ôl clywed bod £527 yn llai yn cael ei wario ar blant ysgol yng Nghymru nag yn Lloegr.
- Fy marn bersonol i yw, mae'n rhaid bod y niwed ddifrifol i'r pen yn ffactor yn beth bynnag ddigwyddodd. Dydw i ddim wedi gweld y data, y dystiolaeth, a dyw yntau ddim chwaith - Lembit Opick AS yn dilyn helynt ei etholwr Mick Bates AC.
- Mae Blaenau Ffestiniog gystal ag unrhyw beth arall sydd yn y Parc Cenedlaethol yn barod - Iolo Williams yn ymateb i ymgyrch i ymestyn ffiniau Parc Cenedlaethol Eryri i gynnwys Blaenau Ffestiniog.
- Dydw i ddim yn meddwl y gallai Plaid Cymru ymdopi â fy meddylfryd annibynnol i - Gwynoro Jones a fu'n ymgeisydd Llafur yng Nghaerfyrddin yn erbyn Gwynfor Evans a thad Glyndŵr Cennydd Jones, darpar ymgeisydd Plaid Cymru ym Merthyr ar gyfer yr etholiad cyffredinol nesaf.
- Pennaeth ysgol o'r gogledd ynsiarad ar y radio am ddau geiliog a dau iâr. Dim ond gobeithio ei fod yn gwybod y gwahaniaeth rhwng y bechgyn a'r merched sydd yn y dosbarthiadau - Madog Mwyn yn Y Cymro
- Wedi fy magu efo ffermwyr, does gen i ddim amynedd efo pobol sy'n mynd i banig pan fydd pethau'n malu / mynd o chwith / yn anodd. A does gen i ddim ofn baw a dw i wastad yn clirio 'mhlat - Bethan Gwanas yn sôn am ddylanwadau plentyndod yn Golwg.
