Taith Nadolig
Yn ddiweddar fe fu'r fan a fi o gwmpas Cymru, o lan i lan, ac o gynhyrchiad i gynhyrchiad. Dyma gerdyn Nadolig neu ddau i chi oddiwrth
Fe fues i'n gweiddi efo llond theatr o blant swnllyd yn y Lyric, Caerfyrddin - "Mae o tu ol i chi!" Dwy awr o hwyl ac antur ar fwrdd llong Barti Ddu. Ac mae'r cast i gyd yn dymuno Nadolig Llawen i chi.
Nadolig Llawen hefyd ydi'r neges o Ysgol y Gader Dolgellau, fu'n perfformio
yng Nghapel Seion o dan arweiniad Bethan Antur.
Efallai mai un o dyrcwn Bleddyn, sy'n ffermio ym Modedern, Ynys Mon, fydd ar y bwrdd acw eleni. Un arall o'r bobol ddifyr y ces i sgwrs efo nhw ar fy nhaith o amgylch Cymru yn ddiweddar.
Fe fyddai'n wir i ddisgrifio Donald fel gwr goleuedig. Mae'r goleuadau tu allan i'w gartre yn Llanddarog, yn denu ymwelwyr bob blwyddyn, ac mae o wedi casglu miloedd
o bunnau dros y blynyddoedd at achosion da. Nadolig hapus Donald.
Roedd yr Eglwys yn Llanddarog yn werth i'w gweld hefyd, wedi ei haddurno efo 25 o goed Nadolig. Mae'r eglwys yn cynnal Gwyl y Coed Nadolig bob blwyddyn ac mae'r addurniadau ar bob coeden yn cynrychioli geiriau carol adnabyddus. Vilna Thomas oedd yn fy nhywys o gwmpas yr eglwys
Ac ar ran, y fan a fi, a'r tim, diolch yn fawr i chi gyd ymhob rhan o Gymru am eich croeso i ni yn ystod y flwyddyn, ac yn enwedig am y tê a'r mins peis yr wythnos dwetha.
Mae teithio drwy Gymru wedi cadarnhau i mi fod na doreth o bethau diddorol yn digwydd ymhob cwr o'r wlad, ac fe fyddwn ni'n adlewyrchu'r digwyddiadau a'r gweithgareddau amrywiol yn ystod 2010, gyda'ch cymorth chi. Cysylltwch efo mi, os oes ganddoch chi syniadau ar gyfer ein rhaglenni ni ar e-bost hywel@bbc.co.uk
Blwyddyn Newydd Dda.
Hanesion 