´óÏó´«Ã½

Tha fios aig Ed Miliband gu bheil a bheatha phoileataigeach fhèin gu mòr an crochadh air na thachras ann an Alba.

Ma bhòtas i airson neo-eisimeileachd, bidh e fada nas duilghe dha grèim fhaighinn air na h-iuchraichean do dh'Àireamh a Deich.

Mar sin, thàinig Mgr Miliband gu Glaschu an-diugh leis an argamaid aige fhèin na h-aghaidh.

An t-seachdain a chaidh, chaidh am prìomh mhinistear gu Lunainn gus cantainn gun toireadh neo-eisimeileachd cothrom do dh'Alba a bhith na "lochran" de pholasaidhean adhartach a b' urrainn do Shasainn leantainn.

Thuirt Ceannard nan Làbarach gur ann a bhiodh e na chnap-starra.

Na bheachdsan, bhiodh e na b' fhasa Alba nas cothromaiche a chruthachadh mar phàirt dhen Rìoghachd Aonaichte.

Mar eisimpleir, thog Mgr Miliband air bancaireachd.

Cha gabhadh, thuirt e, riaghailtean ùra airson nam bancaichean a chruthachadh airson Alba air neo airsonÌýShasainn a-mhàin - cha dèanadh iad ach gluasad don àite leis na riaghailtean as laige.

Ach, nan dèanadh neo-eisimeileachd cron air an Rìoghachd Aonaichte gu lèir, dè mu dheidhinn tuilleadh chumhachdan ionmhais do dh'Alba?

Dh'fhaighnich mi dha an robh e ag aontachadh leis a' phrìomhaire nach b' urrainn do dh'Alba tuilleadh chumhachdan fhaighinn agus fuireach taobh a-staigh an Aonaidh.

Cha do dh'aontaich - ach thuirt e gu feum sgaradh a chumail eadar tuilleadh fèin-riaghlaidh agus neo-eisimeileachd.

Tha aig na Làbaraich ri sealtainn fhathast ciamar a ghabhas sin a dhèanamh gun dàrna ceist a bhith air pàipear-bhòtaidh an referendum.

• Comharraich le
• |
• |
• |
• |
• - Dè tha seo?

Tha fios againn a-nis dè a' cheist a tha Ailig Salmond airson a chur ri muinntir na h-Alba anns an referendum.

, 's e seo dreach Gàidhlig dhith:

ÌýA bheil thu ag aontachadh gum bu chòir Alba a bhith na dùthaich neo-eisimeileach?

Chan eil fhios againn fhathast an tèid a' cheist a chur anns a' Ghàidhlig.

Tha mi tuigsinn nach do chuir Riaghaltas na h-Alba sin romhpa fhathast.

Ach, bidh cothrom aig daoine argamaid a dhèanamh airson ceist Gàidhlig .

Taic

'S dòcha gun cuir cuid dhuibh beachdan air adhart air seo.

Ach tha aire an SNP air rudan eile.

Tha Riaghaltas na h-Alba a' sireadh bheachdan, mar eisimpleir, ach cò a bu chòir bhòtadh agus iad airson an cothrom a thoirt do dhaoine a tha 16 agus 17 bliadhna dh'aois.

Ach 's e an rud as cudromaiche dhaibh taic fhaighinn bhon t-sluagh airson dàrna ceist air tuilleadh chumhachdan taobh a-staigh an Aonaidh.

Mar sin, cha tòisich an còmhradh ceart eadar an dà riaghaltas ro dheireadh a' cho-chomhairleachaidh, anns a' Chèitean.

Ach ghabh Mgr Salmond ceum mòr adhart an-diugh, a dh'ionnsaigh na bhòt as cudromaiche na bheatha.

• Comharraich le
• |
• |
• |
• |
• - Dè tha seo?

Am bu chòir do na h-Eileanan mu Thuath Alba fhàgail ma bhòtas i airson neo-eisimeileachd?

'S e beachd Iarla Ghallaibh gum bu chòir an cothrom sin a bhith aca.

- a thèid a dheasbad anns na Morairean nas fhaide air an t-seachdain - tha am morair tòraidheach a' moladh nach biodh aig muinntir Àrcaibh is Shealtainn fuireach ann an Alba neo-eisimeileach mura bhòtadh a' mhòrchuid dhiubh air a shon.

Dè dhèanadh iad an uair sin?

Am fuiricheadh iad le Sasainn, a' Chuimrigh agus Èirinn a Tuath, air neo am b' fheàrr leotha saorsa fhaighinn dhaibh fhèin?

Agus, nan dèanadh iadsan sin, dè mu dheidhinn nan Eilean Siar?

• Comharraich le
• |
• |
• |
• |
• - Dè tha seo?

Sheachain ceannardan nan dùbhlanach an referendum aig Ceistean a' Phrìomh Mhinisteir an-diugh airson chuspairean eile.

(Na gabh dragh, bidh barrachd - tòrr a bharrachd - air sin an ath sheachdain nuair a thèid planaichean Riaghaltas na h-Alba fhoillseachadh Diciadain).

Thog Johann Lamont na figearan ùra air cion-cosnaidh a nochd an-dè.

Dè, dh'fhaighnich i, an t-atharrachadh a dhèanadh an riaghaltas air bile a' bhuidseit mar thoradh air na h-àireamhan ùra seo?

(Tha dùil ris a' bhile sin a-màireach),

Sheachain Mgr Salmond a' cheist - cha b' ann airson a' chiad uair.

Fhreagair e nach robh na cumhachdan aig Pàrlamaid na h-Alba spionnadh a thoirt don eaconamaidh.

Agus, thuirt am Prìomh Mhinistear,Ìýbha plana nan Làbaraich gus dèiligeadh rithe gu mòr an crochadh air cumhachdan a bha fhathast fo smachd Westminster.

Nas miosa na sin, chuir Mgr Salmond as leth nan Làbarach gun robh iad a-nis air am plana sin a leigeil seachad gus taic a chur ri gearraidhean na co-bhanntachd.

Cha do chuir sin dragh air Ms Lamont, a chum oirre leis a' cheist.

Thuirt i gun robh Mgr Salmond gu math mòr às fhèin, ach cha robh aire air a dhreuchd mar a bu chòir.

Fhreagair esan gun robh i a' fàs coltach ris an duine a bha na dreuchd roimhpe.

Thagh Ruth Davidson cuspair na Roinn Eòrpa.

An do sgrìobh an riaghaltas gu coimiseanairean air àite Alba neo-eisimeiliche anns an Aonadh Eòrpach?

Thuirt Mgr Salmond gum biodh Alba fhathast mar phàirt dhen Aonadh, mar a bhiodh an còrr dhen Rìoghachd Aonaichte cuideachd.

Cha robh sin gu leòr airson Ms Davidson, ge-tà.

Nach fhoillsicheadh am Prìomh Mhinistear an fhianais aige air a' chùis?

Fhreagair e gur e na càirdean aicese aig Westminster a-mhàin a bha a' cur ballrachd na h-Alba ann an cunnart.

Thog Willie Rennie am plana a nochdadh le Coinneach MacAsgail Dimairt airson Seirbhis Poilis Nàiseanta.

Bha teagamh air Mgr Rennie gun deigheadh an sàbhaladh a gheall an SNP a choilionadh.

Agus, dh'fhaighnich e, cia mheud oifigear a bha ag obair air an ath-chruthachadh?

Chuir am prìomh mhinistear na chuimhne gun robh na Lib Deamaich a-mach air seo gun sguir aig àm an taghaidh agusÌýgur beag an taic a fhuair iad air a shon.

'S dòcha gum b' e seo an t-àm gus duan eile a thaghadh.

Cha chuireadh e iongnadh orm nan tilleadh duan na neo-eisimeileachd an ath sheachdain.

• Comharraich le
• |
• |
• |
• |
• - Dè tha seo?

Cò a bu chòir cead-bhòtaidh fhaighinn airson an referendum air neo-eisimileachd?

'S e polasaidh Riaghaltas na h-Alba gur iad na daoine a tha a' fuireach ann an Alba - as bith cò às a tha iad - a bu chòir cothrom fhaighinn pàirt a ghabhail anns a' bhòt.

(Tha an SNP cuideachd airson an cothrom-bhòtaidh a leudachadh do dhaoine a tha 16 agus 17 bliadhna dh'aois, ged a tha pàrtaidhean an Aonaidh uile an aghaidh sin).

Ach dè mu dheidhinn Albannach nach eil a' fuireach ann an Alba?

An-diugh fhathast, bidh BPA a' deasbad , ag iarraidh gum bi cothrom-bhòtaidh aig Albannaich ann an Sasainn air neo pàirtean eile dhen Rìoghachd Aonaichte.

Dè ur beachd fhèin?

• Comharraich le
• |
• |
• |
• |
• - Dè tha seo?

Tha fios againn a-nis cùine tha Ailig Salmond airson an referendum air neo-eisimileachd a chumail - as t-foghair 2014.

• Comharraich le
• |
• |
• |
• |
• - Dè tha seo?

Cha do chuir oidhirp Dhàibhidh Chamshroin smachd a ghabhail air deasbad an referendum iongnadh air an SNP an seo aig Holyrood.

Bha dùil gun robh rudeigin mar seo air fàire.

Agus an-diugh, ciad là na pàrlamaid as dèidh saor-làithean na Nollaige, tha iad a' creidsinn gur e deagh naidheachd a tha ann dhaibh.

Shìos an rathad aig Westminster, bheir Rùnaire na h-Alba Mìcheal Moore òraid seachad a dh'aithghearr, a mhìnicheas na tha Riaghaltas na Rìoghachd Aonaichte dol a dhèanamh ann an oidhirp gus a cumail mar sin - aonaichte.

Chan eil dùil gum feuch iad ri ceann-là a chur air a' bhòt - dh'fhalbh sin tron oidhche a-raoir, a' toirt cothrom air ais do dh'Ailig Salmond grèim fhaighinn air an stiùir.

Ach tha iad airson 's nach tèid ach aon cheist a churÌýair muinntir na h-Alba nuair a thig i.

Cumhachd

Thuirt Mgr Camshron an-dè gun robh soilleireachd a dhìth, an dà chuid air a' chlàr-ama, agus air an t-suideachadh laghail.

Fo Achd na h-Alba (2008), tha smachd air a' bhun-reachd glèidhte aig Westminster.

Mar sin, tha Mgr Camshron airson a' chumachd laghail a thoirt do Riaghaltas na h-Alba referendum a chumail fhad 's a ghabhas iad ri aon cheistÌýagus, 's dòcha, rudan eile - thig am fiosrachadh as mionaidiche nuair a chluinneas sinn bho Mhìcheal Moore.

Tha an SNP, ge-tà, a' dol as àidhcheadh gu bheil a leithid de chumachd a dhìth orra.

'S e am plana aca gur e Westminster a dhèanadh Alba neo-eisimileach, as dèidh dhaibh taic fhaighinn air a shon anns an referendum.

Ach nas motha na sin, tha iad a' tomhas gum bi Albannaich nas deònaiche taic a chur rithe mas coltach gu bheil Dàibhidh Camshron a' dol an sàs ann an gnothaichean Albannach.

Tuairmse

Tha fios aig Mgr Camshron gu faodadh an cleas as ùire seo a bhith cunnartach.

Ach is coltach gur e an tuairmse aige gum b'fheudar rudeigin a dhèanamh airson làmh an uachdair fhaighinn bhon SNP.

As bith dè their iad gu poblach, 's ann air sin a tha an dà thaobh ag amas.

As dèidh na h-òraid aig Westminster bho Mhìcheal Moore, cluinnidh sin bho Chaibineat na h-Alba a tha a' coinneachadh an-diugh.

An uair sin bidh fios nas soilleire againn air air ath cheum.

Tuilleadh air fàire.

• Comharraich le
• |
• |
• |
• |
• - Dè tha seo?