Arhoswch eiliad!
Wrth ail-ddarllen y mae rhywbeth newydd fy nharo. Mae'r maniffesto'n un anarferol gan ei fod yn cynnwys nid yn unig rhaglen lywodraethol y Blaid ond hefyd cyfres o ymosodiadau ar y pleidiau eraill, y Ceidwadwyr yn fwyaf arbennig.
Dyma ddau ohonyn nhw;
"Mae dewis amlwg ar Fai'r 3ydd; ymlaen gyda thim Llafur cryf... neu yn ôl at fethiannau'r Torïaid a thoriadau, diweithdra a dirwasgiad" (tudalen 3)
"O dan Thatcher a Redwood fe wastraffwyd talent ac fe amddifadwyd ein plant o'r cyfle i fyw bywydau llawn" (tudalen 17)
Mae 'na ragor ohonynt a'r un yw'r gân wrth ymgyrchu, neges eglur y byddai na doriadau mewn gwasanaethau pe bai Llafur yn colli. Mae'r gair "buddsoddiad" yn ymddangos ddegau o weithiau yn y maniffesto a'r awgrym clir yw na fyddai'r buddsoddi hynny yn y gwasanaethau cyhoeddus yn digwydd heb lywodraeth Lafur.
Nawr does gan y cynulliad ddim hawl i gynyddu nac i dorri trethi. Hynny yw, mae'n rhaid i unrhyw lywodraeth wario'r arian sy'n dod o'r trysorlys. Efallai y byddai blaenoriaethau llywodraeth glymblaid yn wahanol ond yr un fyddai cyfanswm eu gwariant. Codi bwgan yw awgrymu'n wahanol.
Yr unig ffordd y byddai na doriadau ar draws y bwrdd yw pe bai llywodraeth San Steffan yn ewyllysio hynny ac nid llywodraeth San Steffan sy'n cael ei ethol ar Fai'r 3ydd.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Gan fod 'Iain Dale' yn meddwl fod Greg Dyke yn mynd i sefyll fel Maer Llundain, oes unrhyw 'goss' fod Hywel Gwynfryn yn mynd i sefyll am y 'cynulliad'..
Dim ond gofyn...
Ydi Ffred Ffransis o ddifi yn awgrymu y dylai cenedlaetholwyr a charedigion yr iaith bleidleisio dros y ceiwadwyr yng Ngorllewin Clwyd er mwyn cosbi'r Blaid Lafur am eu camweddau llywodraethol? Tybed ydi cof Ffred yn pallu a bod degawd o lywodraeth ceidwadol andwyol yng Nghymru wedi mynd i abergofiant!
Helo Eryl! Doeddwn i ddim wedi clywed am sylwadau Ffred. Lle gest di honna?