Helynt am hysbysebion
Fe fydd darllenwyr y Daily Post wedi sylwi ar hysbysebion dwy dudalen heddiw a ddoe yn y papur yn croniclo gwaith a safbwyntiau dau o aelodau seneddol y gogledd sef Hywel Williams ac Elfyn Llwyd. Gallwch ddisgwyl gweld llawer mwy o'r rhain yn y dyfodol wrth i aelodau seneddol o bob lliw fanteisio ar lwfans gyfathrebu newydd o ddeg mil o bunnau'r flwyddyn.
Cafodd y lwfans ei chymeradwyo gan Dy'r Cyffredin ychydig dros fis yn ôl er gwaethaf cwynion y byddai'n rhoi mantais wleidyddol annheg i ddeiliaid seddi. Yn eironig efallai, pleidleisiodd Elfyn Llwyd ynghyd â'i gyd aelod Plaid Cymru, Adam Price, yn erbyn y lwfans. Ni fwrodd Hywel Williams ei bleidlais.
Roedd y mwyafrif llethol o'r aelodau wnaeth gefnogi'r lwfans yn aelodau Llafur, yr union blaid sy'n cwyno am ymddangosiad hysbysebion Mr Williams a Mr Llwyd ar drothwy etholiadau'r cynulliad.
Mae cofnod llawn o bwy bleidleisiodd o blaid ac yn erbyn y lwfans ar gael yn .
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Beth yw lwfans ? Thing ti'n iwso yn y bath yn lle 'sponge'
lwfans n.m. (lwfansau)- Allowance
Hmm.. Beth mae eisiau 'allowance' o ddeg mil o bunnau, pan gallen nhw ddechrau 'flog' yn rhad ac ddim ???
Dwi ddim yn deall beth ydi'r ffws. Os yw hynny wedi cael ei basio yn y Ty Cyffredin, wel pam lai cymryd mantais? Ai LLafur sydd ychydig yn groendenau, ac efallai'n difaru eu bod heb weld y cyfle???
Mae'r lwfans gyfathrebu yma ychydig yn anheg gan roi fwy o fantais i aelodau seneddol na sydd ganddy nhw yn barod. Mae hi yn mynd i fod yn anoddach ar ymgeiswyr etholiadol i gael sylw ac i ennill cynabyddiaeth. Dwi'n credu fod hyn yn mynd i amharu ar y broses ddemocrataidd a mynd a ni yn agosach i etholiadau Americanaidd lle mae y ymgeiswyr sydd yn 'incumbents' yn cael mantais fawr.
Ydy hyn yn gychwyn ar y broses o ariannu cyhoeddus yn dilyn adroddiad Haydn Phillips?