Siop Jack Brown
Ma na lawer, fel fi, yn difaru bod cwmni bwcis Jack Brown wedi cael ei draflyncu gan Ladbrokes. Jack Brown oedd yr unig fwci oedd yn cynnig prisiau ar ganlyniadau etholiadau'r cynulliad. Nol yn `99, er engraifft, fe wnaeth Elfyn Llwyd ffortiwn fach trwy broffwydo rhai o fuddugoliaethau annisgwyl Plaid Cymru.
Y gwr oedd yn gosod y prisiau oedd Karl Williams. Cafodd gynnig swydd gan Ladbrokes yn Llundain ond penderfynodd aros yng Nghymru ac erbyn hyn mae'n gweithio fel swyddog diogelwch.
Dwy'n hynod o falch i gyhoeddi fy mod wedi temtio Karl allan o'i ymddeoliad ar gyfer y blog hwn. Mae Karl wedi bod yn pori yn ei lyfrau ac yn ffonio ei gysylltiadau am rai dyddiau ac yfory fe fyddwn yn barod i agor Siop Rithwir Jack Brown yma ar y we.
Fydd hi fi ddim yn bosib betio, wrth gwrs, ond fe fe gewch chi weld beth mae bwci gwleidyddol mwyaf profiadol Cymru yn ei ddisgwyl. Yn y gorffennol mae proffwydoliaethau Karl wedi profi'n fwy cywir na darogan ysgolheigion a newyddiadurwyr. Dim ond yn y fan hon y cewch chi eu gweld nhw.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Swnio'n gret - gobeithio byddwch yn cyhoeddi ods ar gyfer y seddi ar gyfer fy arian Monopoli