Y frwydr nesaf
Mae'r cytundeb coch-gwyrdd wedi ei arwyddo yng Nghaerdydd. Y frwydr nesaf yw honna rhwng grŵp Llafur y cynulliad a thrwch aelodau seneddol y Blaid Gymreig ynglŷn â'r cynllun. "Pistols at dawn" yn Membury neu Leigh Delemare o bosib!
Mae mwyafrif yr aelodau seneddol yn amheus ynglŷn â neu yn gwrthwynebu rhannau allweddol o'r cytundeb yn eu plith, y refferendwm, yr adolygiad o fformiwla Barnett a'r awgrym y dylid datganoli agweddau o'r gyfraith droseddol i Gaerdydd.
Mae rhan o wrthwynebiad yr aelodau seneddol wedi ei seilio ar egwyddor ond peidied neb a meddwl nad yw'r ffaith y gallai datganoli pellach arwain at dorri nifer yr aelodau o Gymru yn San Steffan yn ffactor hefyd. Tyrcwn...Nadolig ayb.
Heddiw mae Rhodri yn cwrdd ag arweinwyr cyngor Llafur i werthu'r cytundeb ac mae'n debyg y bydd rhannau helaeth ohono yn enwedig y pwyslais ar y sector gyhoeddus yn apelio atynt. Fe fydd agweddau megis ymwrthod a PFI hefyd yn fel ar fysedd rhai o'r undebau. Serch hynny peidied neb a meddwl bod cynhadledd arbennig y blaid yn y CIA yn sicr o gefnogi'r cytundeb.
Ydy Neil Kinnock yn paratoi i arwain y gwrthwynebiad? Dyna yw'r si. Ai 79 neu 97 fydd y refferendwm nesaf?
Diweddariad;Mae Peter Hain wedi ei benodi yn Ysgrifennydd Gwaith a Phensiynau ac mae'n cadw ei swydd fel Ysgrifennydd Cymru. Dyw Peter ddim wedi lleisio ei farn ynglŷn â'r cytundeb eto gallai ei safrbwynt fod yn allweddol.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Dylia Neil Kinnock aros yn Brwsel, Islington, train gravey neu yn Park Jurassic, fe fydd yn teimlo llawer mwy gartrefol. Does ddim lle i pobol felly yn y Cymru newydd!
Cytuno â Carwyn Edwards yn hyn o beth - mae N Kinnock yn cynrychioli carfan o blith aelodaeth y Blaid Lafur sydd fel pe bai'n marw allan; wedi'r cwbl, mae'r hen Jorji (y gwaethaf ohonynt i gyd???) wedi marw, L Abse (gwell peidio â defnyddio ei hen lysenw yn gyhoeddus!) mewn gwth o oedran ac Alan Bach fel pe bai wedi distewi'n llwyr!
Yn ôl at y pwynt ynglyn â thorri nifer ASau San Steffan yng Nghymru pe câi'r Cynulliad fwy o rym ... er i'r Alban gael y driniaeth honno, credaf y byddai'n beth ffôl i'r Blaid Lafur wneud hynny yng Nghymru ar y funud - rhag colli'r etholiad Seneddol nesaf; wedi'r cwbl, yn hanesyddol, mae Llafur wedi dibynnu ar wledydd ymylol yr hyn a elwir yn Deyrnas Unedig i gipio grym ac yna i aros yno, felly, o safbwynt y Blaid Lafur, dwy ddim yn rhagweld hynny eto. Wrth reswm, pe bai gennym Senedd lawn, ddatgysylltiedig, a gwirioneddol annibynnol, yn ôl nod y Blaid, fyddai dim ots o gwbl pe bai Lloegr yn diweddu â llywodraeth dragwyddol las - mater i'r Saeson fyddai hynny, ond yn y fath sefyllfa, credaf y byddai rhai rhanbarthau yn Lloegr, y pryd hynny, yn gweiddi'n groch am ..... ddatganoli (er gwaetha'r bleidlais yn erbyn yn gymharol ddiweddar yng Ngogledd Lloegr)!!! Ac yn awr, rhoddaf fy mhêl grisial heibio am y tro.