Rhyfedd o fyd!
Mae Ming Campbell wedi bod yn adrefnu ei gabinet ac mae Lembit wedi cael dyrchafiad. Ef bellach yw llefarydd menter a busnes y blaid. Wel, roedd Lembit wastad yn barod i fentro! Roger Williams yw'r llefarydd newydd ar faterion Cymreig.
Arhoswch am eiliad. Lembit yw arweinydd Democratiaid Rhyddfrydol Cymru- ond nid Lembit fydd yn llefaru ar Gymru yn Nhŷ’r Cyffredin. Onid yw hynny braidd yn od? Ar ôl dweud hynny mae'r Blaid Felyn wedi colli'r gallu i'n synnu dros y misoedd diwethaf!
Pan ofynnais i un Lib Dem a fyddai hyn yn gorfodi'r Blaid Gymreig i ystyried newid ei harweinydd fe wnaeth e wenu. "Fe ddylet ti wybod erbyn hyn nad oes modd yn y byd i orfodi'n haelodau ni i wneud unrhyw beth!" meddai.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Rheswm da i beidio cael dim i'w wneud gyda phlaid mor annisgybledig ac amateur...circas ydy y Rh Dem yng Nghymru, dydy nhw ddim digon cyfrifol i lywodraethu mewn unrhyw ffordd.
Roger Williams? Pwy yw e'te? Does gen i ddim cof mod i erioed wedi'i weld e' na'i glywed e'n siarad. Beth yw 'i hanes e'? Oes llun ar gael er mwyn i mi 'nabod e' pan welai i e'?