Mae gen i het...
Dyw e ddim yn hawdd bob tro i wisga mwy nac un het! Cymerwch Roger Williams fel enghraifft. Yn ogystal â bod yn aelod seneddol dros Frycheiniog a Maesyfed mae Roger yn llefarydd amaeth i'w blaid yn San Steffan. Yn y dyddiau datganoledig yma mae hynny, i bob pwrpas yn golygu llefaru ar amaeth yn Lloegr.
Chwarae teg i Roger am gymryd y gwaith a ddifri wrth ymosod yn chwyrn ar yr Adran Amaeth am ei harafwch yn talu cymorthdaliadau i ffermwyr Lloegr. Yng ngeiriau Roger ei hun;
In Wales 75% of farmers were paid on the first days of December so the target of 80% by the end of January for English farmers puts them at a real disadvantage when they try to compete in the market. English Farmers are being treated as 2nd Class citizens and the Government must act to ensure a level playing field in the agriculture industry across the UK.
Eithaf iawn, Roger. Oni fyddai fe'n beth ofnadwy pe bai ffermwyr Powys, dyweder, â mantais fasnachol dros eu cystadleuwyr? Dwi'n sicr eu bod yn ddiolchgar i'w haelod seneddol am weithio'n ddyfal i ddileu'r fantais honno.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
