Gair olaf (gobeithio)
Mae'n ymddangos bod safle Golwg360 yn gweithio o'r diwedd (i fi o leiaf).
Mae'r dudalen flaen yn cynnwys y frawddeg yma.
Safle Beta yw hwn, sy'n golygu mai safle prawf ydy e', a'n bod ni am gael eich barn chi i'w newid a'i wella. Felly, fe fydden ni'n croesawu eich ymateb i helpu ni i adeiladu gwasanaeth heb ei ail.
Pam na ddywedwyd hynny o'r cychwyn?
Yn ddiffuant, rwy'n dymuno pob lwc i'r safle ac yn gobeithio am y gorau.
Dau beth bach. Mae angen RSS ar fyrder ac fe ddylai'r wefan weithio fel porth i gynnyrch gwefannau Cymraeg eraill nid ar ffurf y "maes" diflanedig ond trwy gysylltu yn uniongyrchol a thudalennau penodol gwefannau eraill.
Os oeddech chi (fel fi) yn teimlo'n rwystredig rhowch ail-gyfle i nhw. Mae'n gwerth gwneud.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Dyma'r (dros dro) wnes i ddatblygu - mae tua 40 o bobl wedi tanysgrifio erbyn hyn.
Hynny yw, doedd Y Maes, na Lle Pawb rili, yn ddim mwy na rhestr o ddolenni mewn gwirionedd...
Gobeithio y bydd G360 yn tynnu eu bys allan cyn bo hir. Yn y cyfamser mae yna borthiant RSS answyddogol ar gael yn diolch i Dafydd Tomos!
neis fod e'n gweithio i ti Vaughan. Dwi'n mynd i'r hafan ac yn gael y fideo hyrwyddo, gorfod clicio ar 'mynd i'r wefan' ac yna'n cael tudalen wag (heblawn am y bar penawdau top 'newyddion, celf etc) ar y URL yma
'Beta' myn uffarn i ... ydi rhywun yn gallu cyhoeddu papur newydd/llyfr a dweud mai 'beta' yw e hefyd. 'Beta' = fersiwn ddraft. Dylai fersiynnau drafft ddim fod lan ar y we!
faint yn hirach sy'n rhaid aros am rhywbeth syml fel y cynllun syml, hawdd ei ddeall yma: a miloedd o rai eraill.
A oes pwrpas disgwyl am golofnwyr difyr a phryfoclyd hefyd ...?
Paid gofyn i fi! Mae'r diffyg colofnwyr/blogwyr yn rhyfedd ond ar ddiwedd y dydd dyw £200,000 y flwyddyn ddim yn llawer o arian ar gyfer gwefan 24/7. Byswn yn tybio mae'r dewis oedd rhwng cyflogi digon o bobol i geisio cynnig gwasanaeth newyddion Prydeinig a thramor a chyflogi cyfranwyr nodwedd a sylwebyddion. Yn bersonol fe fyswn i'n ffafrio'r ail ddewis ond mae'n bosib dadlau'r naill ffordd neu'r llall.