Hwre! Arolwg barn o'r diwedd!
Mae'r diffyg arolygon yng Nghymru yn boen i bawb ac yn gwneud y gwaith o ddehongli a dadansoddi ein gwleidyddiaeth llawer yn fwy anodd. Diolch i felly am gynnig glased o ddŵr wrth i ni ymlwybro trwy'r anialdir!
Mae'r safle wedi cyhoeddi canlyniadau ei arolwg barn blynyddol gan YouGov o etholaethau ymylol. Gyda sampl enfawr o dros 33,000 a system glyfar o gynyddu'r sampl mewn etholaethau "anarferol" mae 'na werth ac ystyr i'r canlyniadau Cymreig.
Cofiwch gall unrhyw arolwg fod yn anghywir ac heb arolygon eraill i'w defnyddio fel cymhariaeth mae angen pinsied, ond dim ond pinsied, o halen wrth ddarllen y canlyniadau.
Mae'r arolwg yn rhagweld gogwydd o 9% o Lafur i'r Ceidwadwyr yn seddi ymylol Cymru ynghyd a gogwydd o 7.6% o Lafur i Blaid Cymru. Mae'r safle yn darogan y byddai hynny'n ddigon i sicrhau buddugoliaethau i'r Torïaid ym Mhen-y-bont, Gogledd Caerdydd, Gorllewin Caerfyrddin a De Penfro, Gŵyr, Gorllewin Casnewydd, Dyffryn Clwyd a Bro Morgannwg ac i Blaid Cymru yng Ngheredigion ac Ynys Môn.
Mae'r manylion yn (pdf)
Ymddiheuriad Trwy hap fe wnes i adael Aberconwy oddi ar rhestr enillion y Blaid Geidwadol. Roedd hynny'n amlwg o ddilyn y ddolen. Gwnes i ddim cynnwys chwaith y seddi ymylol oedd yn cael eu samplo na fydd yn newid dwylo yn ôl YouGov. Os ydych chi'n cael trafferth agor y ffeil pdf mae'r rhestr gyflawn ar wefan "".
Un pwynt bach arall. Mae angen bod yn garcus iawn ynghylch yr hyn mae'r arolwg yn awgrymu am berfformiad y Democratiaid Rhyddfrydol. Ceredigion a Brycheiniog a Maesyfed oedd yr unig ddwy o "etholaethau da" y blaid honno i gael eu cynnwys yn yr arolwg. Mae'n biti na chafodd Gorllewin Abertawe a Dwyrain Casnewydd eu cynnwys gan fod y mwyafrifoedd seneddol yn y rheiny yn ddigon tebyg i rai o'r seddi eraill ar y rhestr.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Diddorol iawn. Sgwn i pa mor agos ydi hi yn nifer o'r seddi - Llanelli er enghraifft?
Dyw hi ddim yn bosib dweud o'r deunydd sydd wedi cyhoeddi hyd yma ond rwy'n cymryd y bydd y "cross tabs" y nwylo'r anoraciaid yn weddol o fuan!
Ond, mae'n digon posib gosod y swing Llafur i Blaid Cymru ochr yn ochr a chanlyniad etholiad 2005. O wneud hynny mae'n rhoi mantais o tua 1,000 o bleidleisiau i Lafur, a hynny gan gymryd nad oes unrhyw ffactorau lleol yn effeithio. Pe byddai'r Americaniaid yn gweld pol felly ar noson yr etholiad y 'galwad' fyddai 'Too Close to Call'.
Mae hwnnw'n bwynt digon teg. Mae'n amlwg bod y safle wedi penderfynu "galw" pob etholaeth pa mor bynnag agos yw'r canlyniadau. Yr hyn sy'n ddiddorol yw bod YouGov wedi cynnwys Llanelli yn yr arolwg o gwbwl gan fod y mwyafrif yn 2055 o gwmpas 20%. Dyw seddi a mwyafrifoedd seneddol digon tebyg (ee Wrecsam, Dwyrain Casnewydd a Gorllewin Abertawe) ddim wedi eu cynnwys.