Blwyddyn newydd hwyr
Reit. Dyma fi yn ôl felly. Rwy'n casglu bod hi wedi bod yn oer yma!
Dydw i ddim am sgwennu traethawd am fy ngwyliau. Fe wna i adael hynny i ddisgyblion TGAU! Serch hynny, fe ddysgais i ambell i beth tra roeddwn i bant. Dyma rai ohonyn nhw.
1. Mae grym y Saesneg yn gythreulig o anodd i wrthsefyll. Trist oedd clywed hysbysebion radio ym Malaysia yn cymell pobol i ddefnyddio'r iaith genedlaethol. Oes angen dweud taw Saesneg oedd iaith yr hysbysebion?
2. Mae Amgueddfeydd Melbourne yn defnyddio mwy o Gymraeg yn eu hadnoddau rhyngweithiol na rhai Llundain.
3. Mae llywodraeth Tasmania mewn trafferthion yn sgil cwymp arswydus yng nghyraeddiadau addysgol ar yr ynys. Daeth y cwymp yn sgil ddiddymu dosbarthiadau 6 traddodiadol yn er mwyn cynnig "rhagor o ddewisiadau i ddisgyblion 16+". Y plant tlotaf a lleiaf academaidd sydd wedi dioddef fwyaf. Dim ond dweud.
Ta beth mae 'na glasur o flwyddyn wleidyddol o'n blaenau. Fe fydd 'na un, ac efallai dau, etholiad cyffredinol, refferendwm, o bosib, ac mae etholiad cynulliad ar y gorwel. Bant a ni, felly!
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Blwyddyn newydd da, Vaughan, a chroeso nol.
Tri phwynt diddorol i ddechrau'r flwyddyn. Deall taw gwamal yw nhw i raddau, ond 1) trueni, ond heb fo yn annisgwyl, 2) faint yw mwy, Vaughan? Hynny yw, defnydd teilwng yn ei gyd-destun ym Melbourne, neu un neu ddau air? 3)Tybed oes na gyffelybiaeth rhwng Tasmania a RCT? Synnen i ddim, on eto, nagwy'n nabod Tasmania o gwbl (heblaw am yr hyn o'n i arfer gwylio ar y cartwn "Taz of Tasmania" - falle nag yw hynny'n gymwys!)
Disgwyl mlaen at drafodaethau difyr yn y flwyddyn i ddod!
Cyfeirio at yr Amgueddfa Ymfudo oeddwn i yn (2) Roedd y deunydd rhygweithiol ynghylch Cymru yn gyfangwbwl ddwyieithiog. Dyna oed y patrwm ar gyfer pob gwlad arall hefyd hy Saesneg+iaith gynhenid.
Croeso nol - mi welais eisiau'r blog dros yr wythnosau diwetha!
Diddorol clywed am yr Amgueddfa Ymfudo. Mae tudalen am Gymru ar eu gwefan, ac maen nhw wedi darparu cyfieithiad Cymraeg hefyd: