Cwis Haf (5)
Mae cydbwysedd yn bwysig i'r ´óÏó´«Ã½. Yn sgil y Cwis Llafur wythnos ddiwethaf mae cwestiynau'r wythnos hon yn ymwneud ac ochor arall y sbectrwm. Mae 'na naw cwestiwn ynghylch y Ceidwadwyr ac un ynghylch y Rhyddfrydwyr. Mae hynny'n teimlo'n gymwys, rhywsut!
1. Roedd y Barwn Strange o Knockin yn llefarydd ar Gymru yn Llywodraeth John Major. Fe hefyd oedd yr unig Geidwadwr amlwg i gefnogi'r ymgyrch "Ie" yn refferendwm 1997. Beth oedd ei enw go-iawn a'i deitl mwy arferol?
2. Pwy oedd Dai Bananas?
3. Yn 1959 fe wnaeth un Ceidwadwr o Gymru fygwth rhoi diwedd ar yrfa wleidyddol Harold Wilson. Fe lwyddodd un arall i roi stop ar uchelgais gwleidyddol y darlledwr Robin Day. Enwch yr un wnaeth lwyddo a'r un wnaeth fethu.
4. Yr hen asyn a fu farw wrth gario glo i'r Fflint - ond pa asyn arall o Glwyd oedd yn poeni Margaret Thatcher?
5.Cyn mentro i fyd gwleidyddiaeth pwy wnaeth wahardd merched rhag darllen newyddion ar y teledu oherwydd eu "diffyg awdurdod"?
6. Fe fethodd dau Aelod Seneddol Ceidwadol Cymreig gael eu hail-fabwysiadu gan y blaid yn 1990. Yr ateb i gwestiwn 4 oedd un ond pwy oedd y llall?
7. Pwy oedd y "Mistar Toad" wnaeth fudo o Fôn i Fynwy?
8. Pam y byddai Siôn Corn yn teimlo'n gartrefol wrth ymweld â dau gyn aelod seneddol Ceidwadol o Sir Benfro ac aelod cynulliad presennol Mynwy?
9. Yn 1868 fe wariodd y Ceidwadwyr £10,000 (£500,000 yn arian heddiw) ar geisio ennill etholaeth Caerdydd... a methu! Yn sgil y methiant hwnnw lansiwyd papur newydd i ddadlau achos Torïaid Caerdydd. Beth oedd (neu yw) enw'r papur hwnnw?
10. Beth oedd enw papur cyffelyb y Rhyddfrydwyr?
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
1. Roedd y Barwn Strange o Knockin yn llefarydd ar Gymru yn Llywodraeth John Major. Fe hefyd oedd yr unig Geidwadwr amlwg i gefnogi'r ymgyrch "Ie" yn refferendwm 1997. Beth oedd ei enw go-iawn a'i deitl mwy arferol?
Colwyn Jestyn John Philipps, 3ydd Is-Iarll Ty-Ddewi
2. Pwy oedd Dai Bananas?
Syr David Maxwell-Fyfe, Ysgrifennydd Cartref a Gweinidog dros Faterion Cymreig, 1951-1954
3. Yn 1959 fe wnaeth un Ceidwadwr o Gymru fygwth rhoi diwedd ar yrfa wleidyddol Harold Wilson. Fe lwyddodd un arall i roi stop ar uchelgais gwleidyddol y darlledwr Robin Day. Enwch yr un wnaeth lwyddo a'r un wnaeth fethu.
Curodd David Gibson-Wat y darlledwr Robin Day, tra collodd Geraint Morgan yn erbyn Harold Wilson
4. Yr hen asyn a fu farw wrth gario glo i'r Fflint - ond pa asyn arall o Glwyd oedd yn poeni Margaret Thatcher?
Syr Anthony Meyer
5.Cyn mentro i fyd gwleidyddiaeth pwy wnaeth wahardd merched rhag darllen newyddion ar y teledu oherwydd eu "diffyg awdurdod"?
Wyn Roberts
6. Fe fethodd dau Aelod Seneddol Ceidwadol Cymreig gael eu hail-fabwysiadu gan y blaid yn 1990. Yr ateb i gwestiwn 4 oedd un ond pwy oedd y llall?
Syr Anthony Meyer a Keith Raffan
7. Pwy oedd y "Mistar Toad" wnaeth fudo o Fôn i Fynwy?
Roger Evans
8. Pam y byddai Siôn Corn yn teimlo'n gartrefol wrth ymweld â dau gyn aelod seneddol Ceidwadol o Sir Benfro ac aelod cynulliad presennol Mynwy?
Mae nhw'n rhannu’r un enw - Sant 'Nick', Nick Edwards, Nick Bennett a Nick Ramsay
Neu a wyt ti'n awgrymu mae 'Tori' yw Siôn Corn?
9. Yn 1868 fe wariodd y Ceidwadwyr £10,000 (£500,000 yn arian heddiw) ar geisio ennill etholaeth Caerdydd... a methu! Yn sgil y methiant hwnnw lansiwyd papur newydd i ddadlau achos Torïaid Caerdydd. Beth oedd (neu yw) enw'r papur hwnnw?
Western Mail
10. Beth oedd enw papur cyffelyb y Rhyddfrydwyr?
Y Faner
1. Colwyn Jestyn John Philipps, 3ydd "Viscount" Tyddewi
2. David Maxwell Fyfe
3. Geraint Morgan & David Gibson-Watt
4. Anthony Meyer
5. Arglwydd Harlech?
6. Keith Best
7. Roger Evans
8. Niclasai??
9. Western Mail
10. South Wales Daily Post.
Mae'ch cwisiau yn addictive Vaughan!
1. Rhodri Phillips, 4ydd Viscount Ty Ddewi.
2. David Maxwell Fyfe, Ysgrifennydd Cartref ac yn gyfrifol am faterion Cymreig.
3. G B Woolfenden a safodd yn erbyn Harol Wilson yn Huyton yn 1959. A David Gibson-Watt a gurodd Robin Day yn Henffordd yn yr un flwyddyn.
4.Syr Anthony Meyer
5.Syr Wyn Roberts
6.Keith Raffan
7. Roger Evans
8. Rhannu'r un enw! St Nick - Nick Ramsay, Nicholas Edwards, Nicholas Bennett.
9. Western Mail
10. South Wales Daily News
Camgymeriad yn fy ateb i gwestiwn 1. Y tad nid y mab. Y diweddar Colwyn Jestyn John Philipps, 3ydd Viscount Ty Ddewi