Cyfri'r Ymgeiswyr
Un o'r tasgau mwyaf sy'n wynebu'r Uned Wleidyddol ar drothwy etholiadau lleol yw'r gwaith o gasglu'r ystadegau ynghylch faint o ymgeiswyr sy'n sefyll yn yr etholiadau ac i bwy. Wrth i fi sgwennu'r geiriau yma mae dau o'n newyddiadurwyr wrthi'n palu trwy ffeiliau pdf di-ri er mwyn cael darlun cywir.
Dyw'r gwaith ddim wedi ei lwyr ddilysu eto ond gan fy mod yn holi Nick Clegg heddiw fe ofynnais am frasamcan ynghylch nifer ymgeiswyr y Democratiaid Rhyddfrydol o gymharu â 2008. Roeddwn i'n synhwyro bod gostyngiad sylweddol wedi bod ac roeddwn i'n iawn yn hynny o beth.
Yn 2008 roedd gan y blaid 436 o ymgeiswyr. 341 yw'r nifer y tro hwn - gostyngiad o ryw 25%. Mae'r gostyngiad hyd yn fwy mewn ambell i ardal oedd arfer bod yn addawol iawn i'r blaid. Ym Mhen-y-bont, er enghraifft, lle'r oedd y blaid yn arwain y Cyngor am gyfnod ar ôl etholiad 2008 mae nifer ei hymgeiswyr wedi gostwng o 31 i 16. Yng Nghasnewydd mae'r nifer wedi gostwng o 47 i 25.
Ni ellir beio difaterwch cyffredinol am hyn. Mae'r tair prif blaid arall wedi llwyddo i gynyddu nifer ei hymgeiswyr ers 2008. Mae gan Lafur 887 o ymgeiswyr, 11 yn fwy na thro diwethaf. Mae'r Ceidwadwyr wedi enwebu 571 ymgeisydd y tro hwn o gymharu â 514 tro diwethaf ac mae nifer ymgeiswyr Plaid Cymru wedi cynyddu o 517 i 558. Mae hyd yn oed yr ymgeiswyr annibynnol ar i fyny o 600 i 651.
Wrth reswm mae'r mwyafrif llethol o'r wardiau y mae'r blaid wedi troi ei chefn arnyn nhw yn rhai lle'r oedd ymdrech 2008 yn aflwyddiannus. Serch hynny dyw'r ffaith bod y blaid yn ymladd brwydr mor amddiffynnol ddim yn argoeli'n dda.
Golygydd Materion Cymreig y ´óÏó´«Ã½ yn blogio'n rheolaidd ar faterion gwleidyddol Cymru.
SylwadauAnfon sylw
Mwy o ymgeiswyr Toriad na Plaid Cymru. Diddorol.
Ymgeiswyr ar gyfer cynghorau sir neu gymunedol yw'r uchod?
Gwych iawn. Diolch i pwy bynnag fan'na fu'n cyfrif. Am gythraul o joban!
Un cwestiwn anoracaidd: ydi ffigyrau 2008 yn cynnwys yr ymgeiswyr yn Ynys Mon a'i peidio?
Yma yng Ngheredigion yr hyn sy’n synnu dyn yw mai ond un ymgeisydd sy’n sefyll yn enw’r Blaid Lafur yn etholiadau’r Cyngor Sir. Unwaith eto un gwr selog sy’n cario’r faner goch yng Ngeredigion. Os cofiaf yn iawn fe oedd yr unig ymgeisydd Llafur y tro diwethaf a’r tro cyn hynny. Beth mae hyn yn i ddweud am Lafurwyr y sir – ydyn nhw’n fyw neu’n farw?
A beth mae hyn yn ‘i ddweud am blaid Carwyn Jones? Beth yw ei neges i ni etholwyr Ceredigion? Mae’n amlwg nad oes gan y Blaid Lafur unrhywbeth i’w ddweud wrthym. Unwaith eto mae Llafur yn ddigon bodlon byw ar deyrngarwch traddodiadol ei chadarnleoedd yn y cymoedd ac yn malio dim am y gweddill.
Plaid ddiog yw’r Blaid Lafur.
Yma yng Ngheredigion yr hyn sy’n synnu dyn yw mai ond un ymgeisydd sy’n sefyll yn enw’r Blaid Lafur yn etholiadau’r Cyngor Sir. Unwaith eto un gwr selog sy’n cario’r faner goch yng Ngeredigion. Os cofiaf yn iawn fe oedd yr unig ymgeisydd Llafur y tro diwethaf a’r tro cyn hynny. Beth mae hyn yn i ddweud am Lafurwyr y sir – ydyn nhw’n fyw neu’n farw?
A beth mae hyn yn ‘i ddweud am blaid Carwyn Jones? Beth yw ei neges i ni etholwyr Ceredigion? Mae’n amlwg nad oes gan y Blaid Lafur unrhywbeth i’w ddweud wrthym. Unwaith eto mae Llafur yn ddigon bodlon byw ar deyrngarwch traddodiadol ei chadarnleoedd yn y cymoedd ac yn malio dim am y gweddill.
Plaid ddiog yw’r Blaid Lafur.
Erthygl Nice, diolch am rannu.
Wn i ddim a fydd y sylw yma yn ymddangos ar y blog. Yn fy mhrofiad i hap a damwain sy'n rheoli a fydd sylwadau yn ymddangos neu beidio.
Mae fy sylw i wedi ymddangos ddwywaith a sylw remtal mobil wedi ymddangos dair gwaith. Dro ar ol tro dwi wedi cael neges yn dweud fod fy sylw wedi'i wrthod er mod i wedi copio'r llythrennau bach yn hollol gywir ac o fewn yr amser pennodedig.
Vaughan, mae ise trwsio dy flog. Falle y cei di fwy o ymateb wedyn.
Erthygl Nice, Cadwch diweddaru
Ydw i'n cytuno. Os gwelwch yn dda atgyweirio eich blog.
diolch
Cadwch postio a chadw i fyny gyda'r gwaith da