 |
|
Byd
lliwgar Bethan Gwanas
Bywyd nad yw'n syml yn destun llyfr diddorol
Chwefror 2003
|
Byd Bethan gan Bethan Gwanas. Gwasg Gomer. 拢5.95.
Adolygiad gan Catrin Jones.
Rygbi, siopa, DIY, 'sgwennu a theithio.
Ydi mae byd Bethan Gwanas yn un lliwgar tu hwnt. A hanes y byd hwnnw
a gawn ni yn y gyfrol 'Byd Bethan'.
Ond does dim byd yn syml ym mywyd Bethan Gwanas a dyna sy'n gwneud
y llyfr hwn yn un mor ddifyr.
Edrych fel Barbara Cartland!
Cawn ei hanes yn mynd i Fanceinion gyda'i ffrind i gael 'makeover
a photo shoot' wedi i'w ffrind ennill cystadleuaeth.
Wedi'r holl edrych ymlaen nid yw'r diwrnod yn ddim ond artaith llwyr
wrth i'w chroen a'i gwallt gael ei dynnu bob si芒p a hithau, wedi'r
holl boen, yn cael ei throi i edrych fel Barbara Cartland.
Dyna'r gwyliau hunllefus hwnnw yn Lloret de Mar wedyn a hithau'n gorfod
aros mewn "stafell fel bocs sgidiau" lle roedd "ceisio cysgu fel byw
mewn ffilm Batman" gyda'r criw drws nesa yn "waldio'i gilydd
drwy'r nos".
Fel lloi i'r lladd-dy
A'r profiad erchyll wedyn o fynd i uchafbwynt y gwyliau pecyn hwnnw,
sef y parti mawr, "fel lloi i'r lladd-dy" i chwarae gemau gwirion
oedd "yr enghraifft greulonaf o greulondeb y ddynol ryw".
Ydi mae Bethan Gwanas yn ei dweud hi go iawn a gyda'i disgrifiadau
byw o'r digwyddiadau mae yma ddigon i wneud i chi chwerthin.
Does dim amheuaeth nad yw ei byd yn un hynod liwgar ond mae hefyd
yn fyd-eang iawn.
O Enlli i Nigeria
Er bod hoffter Bethan Gwanas o'i chynefin yng nghefn gwlad Meirionnydd
yn amlwg drwy gydol y llyfr mae yn ein tywys ar draws y byd yn ystod
y gyfrol.
O Rydychen i Nigeria ac o Ynys Enlli i Ynysoedd y Blasketts oddi ar
arfordir Iwerddon. Mae darllen ei phrofiadau yn ddigon i berswadio
unrhyw un i godi pac.
Yn ogystal ag adrodd hanes digwyddiadau a phrofiadau mae Bethan Gwanas
yn dweud ei barn yn ddi flewyn ar dafod ar faterion cyfoes y dydd.
Mae'n trafod hiliaeth, plastic surgery, addysg ac yn pregethu
yn o arw am gyflwr yr A470 a'r daith hir, hunllefus, i'r brifddinas,
rhywbeth y bydd amryw yn gallu uniaethu ag ef!
Casgliad o erthyglau papur newydd
Y rheswm am y penodau hyn yw am mai cyfres o erthyglau a gyhoeddwyd
yn wreiddiol yng ngholofn wythnosol Bethan Gwanas yn Yr Herald
yw'r gyfrol hon.
Ond er bod tipyn o amser ers i rai o'r erthyglau gael eu cyhoeddi
am y tro cyntaf, maen nhw'n dal yn berthnasol heddiw a dydi'r penodau
hynny lle mae'r awdures yn lleisio'i barn ar y byd a'i bethau yn amharu
dim ar rediad y llyfr.
Mae'r holl erthyglau wedi eu cyd-blethu'n hynod o dda ac yn wir mae'r
gyfrol yn darllen fel nofel.
Yn union fel nofel felly fe allwch ddarllen y llyfr hwn ar ei hyd
o'r dechrau i'r diwedd a'i fwynhau.
Y dewis arall, wrth gwrs, yw ei ddarllen wrth eich pwysau gan bori
ynddo fel y mynnoch a gallwch wneud hynny heb amharu ar eich mwynhad
o'r gyfrol.
Dod i adnabod y teulu
A does dim rhaid i chi fod yn gyfarwydd 芒'r awdures a'i gwaith chwaith
gan fod hanes ei bywyd, ei magwraeth a'i theulu yn cael ei wau yn
ofalus drwy'r gyfrol.
Mae 'Byd Bethan' yn gweithio fel rhyw fath o hunangofiant hefyd gyda
lluniau wedi eu gosod yng nghanol y cyfan sy'n ychwanegu elfen bersonol.
Ydi, mae hwn yn llyfr gwerth ei ddarllen, yn ysgafn, difyr a doniol
ac wedi ei ysgrifennu mewn dull ffres a ffraeth.
Os ydych chi wedi cael hen ddigon ar y byd a'i bethau trowch am ychydig
oriau i gael cipolwg ar fyd Bethan, a hyd yn oed os nad ydych chi'n
edrych ar fywyd yr un fath 芒 hi mae'r gyfrol gyda'i disgrifiadau byw
a'i harddull ddi flewyn ar dafod yn sicr o godi gw锚n.
Ebostiwch eich sylwadau
chi am lyfrau
|
|
|
Gair
am air
Siart
Cymru
Llyfrau
ar y We
N么l
i'r archif
