Bore Gwener, Chwefror 5 2005
Cynhadledd lle'r pysgod
Gwisgo siwmperi cynnes yn hytrach na siwtiau yw'r cyngor swyddogol ar gyfer gweinidogion cyllid gwledydd yr G7 sydd yn cwrdd yng Nghanada dros y deuddydd nesaf.
Mae 'na ddadlau pa mor berthnasol yw'r G7 a'u trafodaethau erbyn hyn - ac yn 么l rhai o'r gwahoddedigion dyw lleoliad ac amgylchiadau'r cyfarfod hwn ddim yn helpu pethau.
Cynhelir y cyfarfod heb fod nepell o'r Cylch Artig mewn dinas o'r enw Iqaluit.
Ei ystyr yn yr iaith frodorol, Inuktitut ,yw "Lle yn llawn o bysgod" ac ni ellir ond cyrraedd yno ar awyren neu gwch.
Mae'n lle prydferth a diarffordd - a rhy oer i dyfu coed. Dim rhyfedd, felly, eu bod yn annog pobl i ddod 芒 dillad cynnes gan fod disgwyl i'r tymheredd yno fis Chwefror fynd cyn ised ag 20 gradd o dan y rhewbwynt.
Gwneud sioe
Ac mae Canada wedi penderfynu gwneud sioe a hanner ohoni - festiau a menig morlo yn anrhegion i'r cynrychiolwyr. Slej a ch诺n fydd yn mynd a'r gwleidyddion am wibdaith y prynhawn 'ma a thrafod o gwmpas y t芒n fyddan nhw fory yn hytrach nac o gwmpas y bwrdd.
Tra'n gloddesta ar gig morlo (wir - peth amrwd ac wedi coginio) bydd sefyllfa Haiti yn cael ei thrafod.
Cyflwyno deiseb
Ac o flaen y Trysorlys yn Llundain ddoe cyflwynwyd deiseb o 15,000 o enwau i Alistair Darling cyn iddo gychwyn ar ei daith yno, yn pwyso arno i alw ar ei gyd gynrychiolwyr i wneud safiad i alw am ddileu dyledion Haiti yn ddiamod.
Oherwydd tlodi eithafol Haiti, canslodd llywodraeth Prydain ddyledion Haiti yr haf diwethaf ac felly dylai'r Canghellor fod mewn sefyllfa gref i ddylanwadu ar arweinyddion rhyngwladol eraill i alw am yr un peth.
Roedd gan Haiti ddyled o $890 miliwn pan chwalwyd y wlad gan y daeargryn. Yr wythnos diwethaf rhoddodd yr IMF fenthyciad arall gwerth $102 miliwn i Haiti, gan gynyddu'r baich i bron $1 biliwn.
Yw hi'n deg?
A yw hi'n deg disgwyl i wlad dlotaf hemisffer y gorllewin dalu $50 miliwn y flwyddyn yn 么l i'r IMF a gwledydd cyfoethocaf y byd?
A yw hi'n deg mai'r cyhoedd sy'n mynd ati'n gydwybodol i drefnu cyngherddau a boreau coffi er mwyn helpu pobl gyffredin Haiti tra bo arweinwyr y byd yn ymddwyn fel hen gasglwyr dyledion annifyr yn manteisio ar genedl mewn galar ac ymelwa ar ei thrallod?
