Dyma ni ynghanol paratoadau etholiad arall - yn cael ein diflasu gan addewidion gwag y naill ochr a'r llall i beidio codi trethi neu i beidio torri ar y gwasanaethau cyhoeddus.
Peth ofnadwy ydi gwacter - dani'n s么n am argyfwng gwacter ystyr ac yn meddwl am yr ofn, yr unigrwydd, y dryswch a'r tywyllwch sydd ynghlwm wrth y gair a'r syniad - peth i'w osgoi ar bob cyfrif ydi o a dani'n dueddol i lenwi pob munud awr efo rhyw s诺n neu brysurdeb er mwyn ei gau o allan - pan fedrwn ni.
Munudau olaf
Mae hi'n Ddydd Gwener y Groglith - a dani'n cofio Iesu yn ei funudau olaf ar y Groes yn teimlo'r gwacter eithaf fod Duw wedi ei adael - Fy Nuw, fy Nuw, paham y'm gadewaist? - a does dim ateb i deimlad fel'na, nagoes?
Ond bedd gwag ydi sail ein ffydd ni - a chofiwn hefyd am ddaear afluniaidd a gwag y creu - pan oedd ysbryd Duw'n hofran dros y cyfan ac yn galw am oleuni.
Does dim ateb i'r teimlad o wacter - na geiriau i'w fynegi - ond does dim, chwaith eglurhad i'r nerth a'r cysur sydd i'w ganfod, weithiau, yn ei ganol o.
Chydig wythnosau n么l roedd ein sgriniau teledu a'n sylw wedi ei hoelio ar yr argyfwng dychrynllyd yn Haiti - a dani i gyd yn cofio'r hen wraig yn cael ei thynnu o'r rwbel ac yn canu emynau.
dweud diolch
Mi ddarllenais i gyfweliad efo un g诺r oedd wedi colli ei gartref a rhai o'i anwyliaid yn y chwalfa - ei ferch wedi colli ei choes - y cwestiwn olaf ofynnwyd iddo oedd, "Be wyt ti'n ddweud wrth Dduw r诺an, ta?"
A'i ateb? Merci - Diolch.
Fore Sul, mi fyddwn yn bwyta wyau siocled gwag ond, er gwaetha'u gwacter, mi fydda nhw'n dal yn felys!
Pasg hapus ichi i gyd.
