Erbyn prynhawn heddiw, mi fydd pob un o'r deuddeg gwlad ar hugain sy'n cymryd rhan yng Nghwpan y Byd wedi chwarae g锚m yn y twrnamaint.
Erbyn Gorffennaf 10, mi fydd dau d卯m wedi cyrraedd y rownd derfynol ac un o gapteiniaid y timau hynny yn codi'r tlws sy'n cael ei gyflwyno i'r pencampwyr.
Aur i gyd?
Tlws aur ydi'r wobr, a hwnnw'n aur pur yn 么l FIFA, sef trefnwyr y gystadleuaeth.
Ond mae un athro cemeg o Brifysgol Nottingham yn amheus o'r gosodiad hwnnw ac ym marn yr Athro Martyn Poliakoff, pe bai'r tlws wedi ei wneud o aur pur, yna mi fyddai o'n pwyso o leiaf saith deg kilogram, neu un st么n ar ddeg os hoffech chi.
Gan hynny, mae o o'r farn fod y tlws, neu o leiaf ran ohono, yn wag.
Ac o s么n am bethau gwag, un o'r pethau sy'n mynd dan fy nghroen i ydi'r holl s么n am lefydd gwag pan fydd s么n am gau ysgolion bychan.
Mi glywson ni'r ymadrodd hyd syrffed pan oedd s么n am gau ysgolion bychan ym Mhenfro, Gwynedd a Dinbych, a r诺an dyma Sir Conwy yn cyhoeddi ei fwriad yntau i ad-drefnu ysgolion y sir. Sawl gwaith glywn ni s么n am lefydd gwag yn fanno, tybed?
Mewn ysbytai
Yr hyn sy'n rhyfedd ydi nad ydi'r un pwyslais ar lefydd gwag yn rhai o adrannau eraill y sector cyhoeddus. Dyna i chi ysbytai, er enghraifft. Os bydd gwely gwag yn digwydd bod ar ward, yna siawns fod hynny'n rhyddhau'r nyrsys a'r staff eraill i dreulio rhagor o amser gyda chleifion y gwelyau eraill.
Beth, wedyn, am y gwasanaeth casglu ysbwriel? Os ydi biniau yn wacach na'r hyn y gallen nhw fod, onid ydi hynny'n fendith i'r dynion a'r merched caredig sy'n codi cyn chi a fi i'w gwagio nhw?
A beth wedyn am ein priffyrdd? Onid ydi lonydd sy'n wacach na'r hyn y gallen nhw fod yn gwneud y profiad o deithio gymaint yn brafiach?
Heb weld
Yr hyn sy'n eironig ydi nad ydi'r Athro Poliakoff yn hoffi p锚l-droed. Wyliodd o erioed yr un g锚m yng Nghwpan y Byd, ddim hyd yn oed buddugoliaeth fondigrybwyll Lloegr yn rownd derfynol twrnamaint 1966.
Ac onid ydi o, yn debyg i uwch-swyddogion awdurdodau addysg Cymru, yn colli golwg ar yr hyn sy'n bwysig wrth ganolbwyntio gormod ar yr hyn a'r llall sy'n wag yn eu golwg nhw?
Pa un a ydi'r cwpan aur yn wag ai peidio, nid y cwpan ydi'r cymhelliant pennaf, siawns, i'r chwaraewyr, ond gwneud eu gorau a chael eu cydnabod fel pencampwyr y byd.
Pa mor llawn
Yn yr un modd, ai'r llefydd gwag honedig yn yr ysgolion sy'n bwysig, ynteu'r sylw y mae plant yn ei gael, pa un ai tri neu dri deg sydd o'r un oedran yn yr ysgol?
Yn debyg i'r hyn a ddywedir am gwpan enwog arall, oni ddylen ni geisio meddwl pa mor llawn ydi pethau, yn hytrach na cheisio mesur pa mor wag ydi pethau?
