Y Samariaid trugarog
Ro'n i'n gweld yn y newyddion y bore 'ma fod Nigel Owens yn mynd i roi help i'r Samariaid geisio lleihau'r nifer o ddynion sy'n lladd eu hunain.
Maen nhw'n llawer mwy tebygol o fynd i'r pen cyn troi at rywun arall i rannu baich ac, o ganlyniad, mae 220 o ddynion yn rhoi diwedd arnyn nhw'u hunain bob blwyddyn.
Y rheswm y mae Nigel, dyfarnwr rygbi rhyngwladol, diddanwr a chymeriad teledu poblogaidd, yn uniaethu'i hun ag ymgyrch y Samariaid yw ei fod e wedi profi'r fath uffern ddofn ei hun.
Mor ddiobaith
Cynyddodd ei deimladau e o fod yn ddi-werth ac yn atgas iddo fe'i hunan i'r fath raddau dair blynedd ar ddeg yn 么l, nes ei fod e ddim yn gweld pwynt byw rhagor.
Mae'n anodd dychmygu y byddai rhywun mor ymddangosiadol lwyddiannus 芒 Nigel Owens yn teimlo mor ddiobaith 芒 hynny.
Ond mae 'na ddywediad yn yr ardal hon; "Gweld ein gilydd y'n ni."
Hynny yw, dim ond gweld yr arwynebol, y peth sydd ar y tu fas, y mae pobl, nid y galon a'r enaid sy'n llechu o dano.
Dyw hi ddim wastad yn hawdd siarad gyda theulu a ffrindiau am y pethau sy'n eich llethu chi ac weithau mae'n teimlo fel tase 'na neb i droi ato, i agor y llenni trwm yna sy'n cuddio'r meddyliau duon.
Neb y mae rhywun yn teimlo fyddai'n barod i wrando heb farnu. A wyddoch chi'r gwir? Dychmygu beirniadaeth pobl eraill ac ofn siomi sydd wrth wraidd llawer o iselder ac mae'r angen yna i ddal ati i ymddangos fel 'se dim byd yn bod yn gallu gwasgu rhywun i'r ddaear yn llwyr.
Dim ond eisiau dweud
Weithiau, dim ond eisiau dweud eich poen sydd; er mwyn gwneud iddo fe beidio 芒 bod yn gymaint o fygythiad. Yn llythrennol, rhannu baich yw ei wneud e'n llai arnoch chi.
Diolch byth, gwella fu hanes Nigel Owens, a gweld ei fod e yn berchen ar fywyd gwerth ei fyw.
Llongyfarchiadau iddo am ei ddewrder ac am ei awydd nawr i roi 'n么l i gymdeithas. Ond diolch, diolch i wirfoddolwyr Samariaid am wrando heb farnu ac am fod yn gymorth hawdd eu cael mewn cyfyngder.
Ie, gweld ein gilydd y'n ni. Er mor fore yw hi, cofiwch chi ei bod hi'n bwysig i ni hefyd roi help i rai sy'n ei chael hi'n anodd agor y llenni trymion yna...
