Pitsa Fenis
Mae'r holl beth yn ddigon hawdd wir - ychydig o flawd a d诺r yn gymysg, caws, tomato a thamaid o oregano os i chi byw yn Treganna.
Hawdd ddigon, a digon rhad; hyd yn oed o daflu ychydig o beparoni a jalapenaos a phinafal mae'r hyn a delir am y cynhwysion yn fach iawn iawn o gymharu a phris y pitsa.
Mae'r mark-up yn anhygoel o uchel, ond does fawr o wahaniaeth gan neb.
Mae'r rhan fwyaf ohonom yn dwli ar bitsa. Mae ambell bitsa, cofiwch, yn gwneud gwahaniaeth. Yn 么l ym mis Tachwedd 1966 trwy rhyfedd gyfuniad o wynt mawr a sych yn chwythu ar draws M么r Adria, storm o fellt a tharanau mwy na'r cyffredin a thynfa'r lleuad llawn; cododd yn llanw uchel yn Fenis. Pum troedfedd yn uwch na'r arfer.
Bu'r difrod yn enfawr a sefydlwyd cronfa i ddiogelu Fenis rhag y fath ddifrod eto: The Venice in Peril Fund.
Hwb sylweddol
Deng mlynedd yn ddiweddarach, daeth hwb go sylweddol i'r gronfa honno pan gr毛wyd pitsa arbennig gan berchennog un cadwyn enwog o fwytai Eidalaidd - Pitsa Veneziana.
Yn 么l ym 1977, 'roedd y Veneziana yn costio 90c gyda 5c yn mynd i'r Venice in Peril Fund.
Heddiw mae'r Veneziana'n ddrutach o dipyn ac mae ychydig o arian yn mynd o hyd i gadw Fenis uwchben y d诺r.
Nid oes neb yn byw ar y llawr cyntaf bellach yn Fenis. Buasai'r m么r yn arfer gafael yn Sgw芒r Sant Marc efallai bedair gwaith y flwyddyn slawer dydd. Bellach, oherwydd newid hinsawdd, mae gwyddonwyr yn amcangyfrif y gallai'r Sgw芒r hyfryd hwnnw fod o dan d诺r ddeg ar hugain o weithiau os nad fwy bob blwyddyn.
Mae'r gwerthwyr hufen i芒 yn Fenis hefyd yn gwerthu Wellingtons.
Angen dybryd
Llwyddodd John F. Kennedy i fynegi ysbryd ei gyfnod yn ym 1963 gyda'r geiriau: Ich bin ein Berliner. Mae angen dybryd i un o arweinwyr byd i gyhoeddi Sono un Veneziano.
Pobl Fenis ydym bob un, mae pawb yn Fenis erbyn hyn. Aeth byw y tu allan iddi yn amhosibl. Daeth amser am bitsa newydd - llawn amrywiaeth blasus. Buasai ei holl gynhwysion yn dymhorol, ac o ffynonellau lleol.
Yn syml
Mae'r hafaliad yn syml iawn wir, po fwyaf o dir a rhoddir i amaethyddiaeth lleol, po fwyaf o gynnyrch a dyfir yn ac o gwmpas ein dinasoedd y mwyaf diogel a fyddwn rhag y llifogydd.
Hynny neu, wedi i Fenis ddiflannu bydd angen creu Pitsa arall i achub Mumbai, Lagos, Tokyo, Buenos Aries, Bangladesh, Kiribati, Tuvalu heb anghofio sawl ardal yng Nghymru sydd yn gyson ddioddef yn sgil llifogydd.
