Diwedd Paul
Dw'i wedi bod yn meddwl y buasai yn beth da iawn medru rhagweld y dyfodol. Meddyliwch am y manteision allai ddeillio o rhyw ddawn broffwydol fyddai'n golygu fod penderfyniadau heddiw yn cael eu cymryd ar sail gwybodaeth am yfory - gwybodaeth am ganlyniadau pob penderfyniad.
Roeddwn yn meddwl am y peth am amryw resymau, nid y lleiaf ohonynt, y ffaith fod pawb yn y byd gwleidyddol wedi bod yn ceisio rhagweld beth fydd canlyniadau y penderfyniadau cyllidol a wnaed yr wythnos diwethaf.
Cwpan y Byd
Ond, y rheswm pennaf oedd clywed am farwolaeth Paul - nid Paul yr apostol, mae o wedi marw ers sbel - ond Paul yr octopws a ddaeth i enwogrwydd mawr yn ystod Cwpan B锚l-droed y Byd oherwydd yr honiad y gallai ragweld canlyniadau gemau o'i bysgodlyn bach yn yr Almaen.
Yn 么l y s么n, roedd wedi rhagweld yn gywir pwy fyddai'n fuddugol saith o weithiau.
Ddoe, o glywed am ei farwolaeth, roedd teyrngedau iddo ac mae s么n y bydd yna gofeb yng nghyffiniau'r acwariwm o barch iddo.
Yng ngeiriau ei geidwad - yr ydym yn cael ein cysuro gan y wybodaeth ei fod wedi byw bywyd hapus!!
Fy anhawster
Maddeuwch imi yr anhawster dwi'n gael gyda'r cwbwl - y s么n am deyrnged, y bobl oedd yn barod i feddwl fod ganddo ddawn ac yna'r ffaith fod amryw o bobl yn Sbaen am gynnig rhyddfraint eu trefi iddo gan gredu ei fod a llaw, neu fraich ym muddugoliaeth y wlad!
Dyna ni - pawb a'i farn. Cofiwch, tebyg gen i fod llond gwlad o broffwydi tybiedig yn byw a bod yn eich mysg heddiw. Efallai eich bod yn un!!
Hawdd adnabod y teip. Byddant yn deud pethau fel: "Os digwydd hyn, mi fydd hyn yn si诺r o ddigwydd" neu "Ddaw dim da o hyn".
Yn gyffredinol maent i gyd yn broffwydi gwae.
Fel un sy'n mynd i amryw o bwyllgorau eglwysig ac ati, mae'r proffwydo a'r darogan yn weddol gyson. A dweud y gwir, dwi newydd gael job newydd gan yr eglwys ac mae yna bobol yn darogan yn barod y bydd hyn yn arwain at ddifodiant yr enwad.
Wel, fydd dim angen imi wneud fawr o ddim i wireddu y broffwydoliaeth honno gan y byddai gadael pethau fel y maent yn sicrhau y byddwn yn cael beth yr ydym wedi arfer ei gael!!
Yr Un
Beth bynnag am hynny, gwell gen i gredu Un sydd yn gwybod am y diwedd o'r dechrau, yr Un sy'n trefnu heddiw i sylweddoli ei fwriadau ar gyfer yfory.
Yn 么l un o broffwydi Duw, rwy'n gwybod y bwriadau sydd gennyf ar eich cyfer, bwriadau heddwch nid niwed, i roi ichwi y diwedd yr ydych yn ei ddisgwyl.
