大象传媒

Sylwais ar bacedi gwag o greision a fferins wedi cael eu taflu yn hollol ddi fater dros y lle, hyn yn gwneud ein cefn gwlad i edrych yn anniben, ac yn amharu ar yr hyfrydwch a'r golygfeydd hudol sy'n gallu ein syfrdanu. Roedd llawer o'r sbwriel yma ar hyd y ffordd fawr felly wedi eu taflu allan o geir.

Y cwestiwn ofynnais i fi fy hun oedd "pam na fedrai'r bobl yma fynd 芒'u sbwriel adref gyda nhw?" Meddyliais yn galed am ddulliau fedrwn ni fel cymunedau cefn gwlad Cymru eu defnyddio i leihau'r ffordd mae sbwriel yn cael eu taflu mor ddifater ac astudio a chanolbwyntio ar greu amgylchedd l岷璶 a chadw prydferthwch a naturioldeb cefn gwlad Ceredigion a Shir G芒r.

Pan gyrhaeddais adref a chwblhau fy ngwaith cartref eisteddais ar sedd y gegin a meddyliais am yr holl sbwriel hyn welais heddiw ar fy ffordd adref. Sylweddolais fy mod wedi cael fy siomi. Mae'r gymuned yn ymddangos fod yna wahanol safonau i'w cael, y rhai sydd yn naturiol gydwybodol am sbwriel, a'r gwrthwyneb sydd ddim yn poeni rhyw lawer am yr amgylchedd.

Pam nag ydan yn rhoi ein sbwriel yn y biniau newydd mae'r cyngor wedi eu rhoi o amgylch ein cymuned? Fel plant cawsom ein dysgu i fynd 芒 sbwriel adre pan rydyn ni'n mynd am dro yn y car, ac o hyd mae yna fag plastig efo ni yn y car i gasglu'r sbwriel efo'i gilydd a'i gludo adre.

Rwyf yn dweud os byddai pob person sydd yn cerdded ar hyd ein strydoedd yn codi un darn o sbwriel yr un, wedyn i bob deg person sydd yn cerdded o amgylch pob dydd byddai deg darn o sbwriel yn ein biniau; hyn yn lleihau llawer ar y sbwriel ar y strydoedd ac yn annog y genhedlaeth ifanc o blant bach heddiw ac yn sicrhau ein bod ar y trywydd iawn i lanhau ein cymuned.

Rwyf yn hollol ymwybodol fod yna adegau mewn pentrefi lle mae clwstwr o'r gymuned yn ymgasglu i glirio sbwriel y pentre' yn achlysurol, ac maent i'w canmol am y fenter diflino yma.

Ar 么l cael y syniad siaradais efo sampl o'r gymuned i gael eu barn am y syniad yma o bawb i godi un darn o sbwriel wrth eu bod nhw yn mynd am dro. Roeddent yn meddwl fod y syniad yn un da dros ben, a chytunwyd i annog yr awgrym a gwnaf i yr un peth ynghyd 芒'm teulu.

Uchelgais yr erthygl hon yw i dynnu sylw'r gymuned i sylweddoli fod rhywbeth fedrwn ei wneud i wella ein cymunedau yng Ngheredigion a Sir Gaerfyrddin. Efallai fedrwch feddwl o ddifri am fy syniad a gwneud yr un peth yr wyf i wedi dechrau ei wneud.

Gan: Huw Rowcliffe, 17 oed o Ysgol Dyffryn Teifi

Cyhoeddwyd yr erthygl hon fel rhan o gynllun cyfrannu ar y cyd rhwng 大象传媒 Cymru'r Byd ac Antur Teifi. Daeth y cynllun hwn i ben ar 31 Ionawr 2008.