大象传媒

'Roedd y cynhyrchwyr am i ni fod ar y rhaglen i siarad am gynllun Antur Teifi i annog pobl ifanc i ysgrifennu a chefnogi'u papurau bro. Yn adeilad Tinopolis, Llanelli yr oedd y stiwdio ac 'roedd yr awyrgylch yno yn un drydanol ar y naw.

Wedi cyrraedd yr adeilad anferth cawsom ein tywys i'r ffreutur er mwyn cwrdd 芒'r golurwraig. Mae rhoi colur ymlaen o flaen drych lychlyd yn yr ystafell ymolchi yn hollol wahanol i gael eich mwytho gan golurwraig broffesiynol o flaen drych enfawr mewn stiwdio deledu. 'Roedd hi'n werth teithio yr holl ffordd i Lanelli jest er mwyn y profiad hynny!!

Yna, 'roedd yn rhaid i ni aros ein tro i fynd ar y set gan fod y cyfweliad yn fyw - fel nad oedd eliffantod yn gwneud gymnasteg yn ein boliau yn barod! Tra'n aros fe gawsom y cyfle i weld a siarad gydag Aled Hall a Lowri Steffan - wynebau cyfarwydd iawn ar raglenni teledu Cymraeg.

'Roedd yna wefr fawr i'w chael pan cawsom ein galw i fynd lawr i'r set ei hun. Fe glymwyd microff么nau bach o'n hamgylch ac i ffwrdd 芒 ni i ymuno 芒'r cyflwynwyr Elinor Jones a John Hardy ar seddau cyfforddus set Wedi 3. Er fy mod braidd yn nerfus wrth aros am y cyfweliad tyngfennol, fe hwyliais drwy'r cyfan a chyn pen dim 'roedd Elinor a John yn diolch i Megan a minnau am ddod i siarad ar y rhaglen.

Wel, - dyna chi sioc!! Mae'n rhaid taw dyna chwe munud cyflymaf fy mywyd!! Ni wyddais lle oedd yr amser wedi mynd, ond fel y dywed yr hen ddywediad Saesneg - "Mae bywyd yn hedfan tra'n cael hwyl".

Cefais fy nghyfareddu gan oleuadau llachar y stiwdio a bod o flaen y camer芒u. Wrth i mi ail fyw'r profiad mae'n swnio'n afreal.

Mi wnaeth y diwrnod agor fy llygaid i'r holl waith da y mae Antur Teifi yn ei gyflawni, megis bwydo'r papurau bro ag erthyglau di-ri. Nid yn unig eu bod yn cynnig cyfle i ysgrifennwyr ifanc ennill ychydig o hysbys ac arian poced, ond maent yn cynorthwyo'r holl bapurau bro sydd, a phob tegwch, angen gwaed newydd a storiau diddorol, deniadol.

Ni sylweddolais cyn hyn bod cymaint o wahanol adrannau gan y cwmni ychwaith ac mae'r holl waith caled y maent yn ei wneud dros y cymunedau lleol yn fy ngwneud i eisiau torchi fy llewys a'u helpu'n fwy!

Fe agorodd y profiad ddrysau caedig persnol i mi hefyd. Fe greodd y set deledu argraff fawr arnaf ac mae diddordeb yn y cyfryngau bellach wedi magu ffrwyth ynof. Buaswn yn hoffi dilyn y trywydd hwn ymhellach (o flaen y camera yn hytrach na thu 么l y camera yn ddymunol!!) ac mae'r dyfodol nawr yn fwy clir i mi. Heb yr hwb a gefais gan Antur Teifi ni fuaswn 芒 g么l i anelu tuag ati.

'Roedd y profiad yn hollol unigryw ac ni allaf bwysleisio'n ddigonol fy niolch i Antur Teifi am ddarparu'r fath gyfle i mi. Gallaf eich sicrhau na fyddaf yn anghofio fy chwe munud o enwogrwydd tra bydd anadl dan fy mron! Diolch Antur Teifi!

Gan Carys Mair Davies

Cyhoeddwyd yr erthygl hon fel rhan o gynllun cyfrannu ar y cyd rhwng 大象传媒 Cymru'r Byd ac Antur Teifi. Daeth y cynllun hwn i ben ar 31 Ionawr 2008.