|
Mae'r Ffair Nadolig yn ddigwyddiad blynyddol yng nghalendr yr ysgol ac mae'n gyfle i ddisgyblion, rhieni ac athrawon gyd-weithio.
Yn ystod y dydd Gwener, buodd rhai disgyblion o'r chweched dosbarth yn brysur yn gosod byrddau a chadeiriau yn y neuadd ar gyfer y noson honno. Bob blwyddyn, mae'r mwyafrif o stondinau yn dibynnu ar haelioni y disgyblion i gyfrannu nwyddau, megis oglau da, fideos, cryno-ddisgiau a theganau nad ydynt eu heisiau bellach. Gwneir yn sicr fod digon o nwyddau yn cael eu cyfrannu at y ffair drwy roi diwrnod 'dillad ein hunain' i'r disgyblion ar yr amod eu bod yn rhoi nwydd bob un i ffair yr ysgol.
Dechreuodd y ffair am 6:00yh, a chyrhaeddodd pawb i gyfeiliant band yr ysgol yn chwarae carolau. Daeth Rhys ap Hywel i agor y ffair ym Mhenweddig (sef cymeriad Jason ar Pobol y Cwm). 'Roedd yn gyfle arbennig i Rhys ymweld 芒'r ysgol a chwrdd 芒'r athrawon unwaith yn rhagor am ei fod yn gyn-ddisgybl ym Mhenweddig.
'Roedd neuadd yr ysgol yn orlawn hefo stondinau teganau, stondinau tombola, stondin 'pwnsh' cartref, stondin oglau da, stondin gwisg ysgol Penweddig ail-law, stondin gwerthu tocynnau raffl, stondin lyfrau, stondin fideos, stondin cryno-ddisgiau, stondin gemwaith a stondin enwi'r tedi! Os nad oedd hynny'n ddigon, gwelwyd groto Si么n Corn yng nghyntedd cotiau'r ysgol! 'Roedd y plant ieuengaf yn medru ymweld 芒 Si么n Corn (disgybl o'r chweched dosbarth) a chael anrheg Nadolig ganddo!!
Cymdeithas Cyfeillion Penweddig oedd yn bennaf gyfrifol am drefnu'r ffair Nadolig. Rwy'n credu i'r noson fod yn llwyddiant ysgubol a chodwyd llawer iawn o arian yno.
Rwyf yn edrych ymlaen yn fawr at ffair Nadolig y flwyddyn nesaf yn barod gan ei fod yn noson hwyliog ac yn llawn sbort!
Carys Mair Davies
Cyhoeddwyd yr erthygl hon fel rhan o gynllun cyfrannu ar y cyd rhwng 大象传媒 Cymru'r Byd ac Antur Teifi. Daeth y cynllun hwn i ben ar 31 Ionawr 2008.
 |
听
