大象传媒

Anafodd y prop pen-tynn ei benelin wrth chwarae i'r Gweilch yn erbyn Gwyddelod Llundain yng Nghwpan Heineken ddydd Sul, ac mae'r rhanbarth wedi cadarnhau ei fod yn wynebu dau fis ar y cyrion.

Ond nid yw'r Gweilch wedi dweud bod angen llawdriniaeth, gan gynnig llygedyn o obaith i Jones allu gwella yn gynt na'r disgwyl er mwyn chwarae ar ddiwedd y bencampwriaeth.

"Mae'r profion wedi cadarnhau ein hofnau bod difrod sylweddol i'r ligament a'r meinwe yn y benelin chwith," meddai ffisio y Gweilch Chris Towers.

Mae Jones, sydd wedi ennill 68 cap, yn cael ei ystyried fel un o chwaraewyr gorau'r byd yn ei safle, a daw'r anaf yma wythnos ar 么l i Gymru golli ei bartner yn rheng-flaen, Gethin Jenkins.

Bydd Jenkins yn colli'r bencampwriaeth gyfan oherwydd anaf i fys ei droed.

Mae Jones a Jenkins wedi helpu sicrhau sylfaen hynod gadarn i Gymru yn y sgrym dros y blynyddoedd diwethaf, ond bydd gwrthwynebwyr t卯m Warren Gatland yn sicr o dargedu'r rheng-flaen yn ystod y Chwe Gwlad.

"Mae hi dipyn bach o gur pen," dywedodd hyfforddwr blaenwyr Cymru Robin McBryde. "Dydi o ddim yn ddelfrydol cyn Pencampwriaeth y Chwe Gwlad ond mae'n rhaid i ni ymateb mewn ffordd positif."

Mae Paul James wedi profi'n ddirprwy dibynadwy i Jenkins ar yr ochr agored, ond mae'r opsiynau'n brin i Gatland o ran propiau pen-tynn.

Oni bai am Jones, prop 20 oed y Scarlets Simon Gardner oedd yr unig Gymro arall i gychwyn g锚m i unrhyw un o'r pedwar rhanbarth Cymreig dros y penwythnos.

Mae Craig Mitchell o'r Gweilch wedi bod yn ymarfer gyda'r garfan genedlaethol, ac mae Scott Andrews o'r Gleision yn opsiwn arall.

"Maen nhw'n fechgyn ifanc, efallai dipyn bach yn ddibrofiad ond mae'n rhaid i chi gael profiad rhywbryd," ychwanegodd McBryde.

"Gobeithio allan o'r criw yna allwn ni ddod allan ohoni'n iawn. Mae 'na ddigon o dalent yna ac mi faswn i'n ddigon hyderus mewn unrhyw un o rheini i gamu ymlaen a chymryd eu lle yn gwisgo'r crys coch rhif tri."