- Y S锚r: Carey Mulligan, Sarsgaard, Alfred Molina, Dominic Cooper, Rosamund Pike, Emma Thompson, Olivia Williams. .
- Cyfarwyddo: Lone Scherfig.
- Sgrifennu: Addasiad Nick Hornby o hunangofiant Lynn Barber.
- Hyd: 95 munud
Ysgol profiad merch ifanc
Adolygiad Lowri Haf Cooke.
I rai pobol, does dim byd gwell ar ddydd Sul na phori'n hamddenol trwy bentwr o bapurau newydd, a chael darllen y proffil diweddara a sgrifennwyd gan eu hoff newyddiadurwr.
Rhaid cyfaddef y bydda i wrth fy modd yn darllen erthyglau craff Lynn Barber, brenhines newyddiaduraeth Llundain, wrth iddi lwyddo i gleisio ego sawl seren hunanbwysig, a hynny mewn oes lle mae PR yn teyrnasu, a holi herfeiddiol yn hanfod newyddiadurol sy'n prysur fynd ar ddifancoll.
Yn amlach na pheidio, mae hi'n sgwennu o safbwynt y drwgdybus i ddechrau, nes i'r s锚r dan sylw brofi eu gwerth.
Sinigiaeth naturiol
Ar 么l gwylio'r cynhyrchiad An Education - sef addasiad ffilm Lone Scherfig o'i hunangofiant An Education, a gyhoeddwyd yn gynharach eleni - cawn brofi'n union o ble y daw'r sinigiaeth naturiol hon am hud honedig y glitterati.
Tra'n ferch ysgol ddisglair yn Twickenham ddechrau'r Chwedegau cafodd Barber - unig blentyn rhieni ceidwadol - ei hudo'n llwyr gan ddyn h欧n hynod garismataidd.
Yn fuan ar 么l cwrdd 芒'r "David" deniadol a hynod drwsiadus hwn pallodd ei diddordeb yn ei gwaith cwrs, gan ddryllio breuddwyd fawr ei thad a'i hathrawon llym i'w hanfon i Rydychen.
Yn groes i'r disgwyl, fodd bynnag, roedd ei rhieni wrth eu boddau'n gweld eu merch ddeallus yn cael ei chipio o'i sicrwydd swbwrbaidd i fyd o gyffro bohemaidd gan iddynt hwythau hefyd gael eu swyno gan ei steil slic a'i gysylltiadau cymdeithasol.
Ffilm fywiog
Heb ddatgelu gormod o'r hanes, mi alla i gadarnhau fod y ffilm fywiog hon - sy'n gyfuniad o nostalgia trip i ddechrau'r Chwedegau 芒 gwibdaith annisgwyl yn 么l i drallod torcalon cynharaf pob gwyliwr - yn llwyddo i gynnal y diddordeb o'r cychwyn cynta, a'n tywys i lefydd pur annisgwyl.
Diolch i ragarweiniad cerddorol sy'n taro'r nodyn cywir yn ystod y teitlau agoriadol, llwydda'r gyfarwyddwraig o Ddenmarc, Lone Scherfig, i sefydlu naws gynnes ac adleisiol o'r cyfnod eiconig dan sylw, gan gynnal y safon uchel gydol y ffilm.
Ceir myrdd o fanylion bychain i'n diddanu, o'r ffasiynau cyfareddol i gyfeiriadau hamddenol at lyfrau, cerddoriaeth a rhaglenni radio'r cyfnod - ond heb fynd dros ben llestri fel yn achos ambell gynhyrchiad diweddar arall.
Diolch am hynny, gan fod y stori sylfaenol yn cyffwrdd 芒 thema oesol, sy ymhell o fod yn gyfyngedig i'r cyfnod dan sylw.
Ennyn cydymdeimlad
Mae Carey Mulligan, fel y "Jenny" ddiniwed yn llwyddo i ennill cydymdeimlad y gwyliwr gydol y ffilm, wrth iddi gwestiynu awdurdod ei thad a'i hathrawon "hen ffasiwn" a mwynhau ei phrofiadau cynharaf o gyffro dan oed, hyd at ei hagoriad llygad annisgwyl o greulon tua diwedd y ffilm.
Yn yr un modd, mae'r actor Americanaidd Peter Sarsgaard yn cyflwyno perfformiad tan gamp fel y Sais deniadol gan swyno'r gynulleidfa gymaint a'r cymeriadau a pheri inni rannu siom y ferch ifanc ar 么l darganfod iddi hi - a'i rheini - gael ei thwyllo'n llwyr ganddo.
A dweud y gwir, mae'r ffilm yn orlawn o berfformiadau cadarn, diolch i rannau sylweddol i'r actorion cynorthwyol sy'n cynnwys Emma Thompson ac Olivia Williams fel athrawesau ysbrydoledig Jenny.
Yn disgleirio
Mae Rosemund Pike hefyd yn disgleirio fel y Dolly Bird arwynebol sy'n aelod o griw amheus David, a Tom Conti yn cyfrannu d么s dda o hiwmor fel y tad lled Hitleraidd sy'r un mor hawdd ei drin ag yw ei ferch beniog.
Yn wir, daw y pwynt olaf hwn yn allweddol yn ystod y ffilm achos er bod Barber yn ferch aeddfed a hynod ddeallus o'i hoed fe syrthiodd am sarff a gymerodd fantais ohoni hi a'i charedigion. Pam yn union, Duw yn unig a 诺yr.
Ni chawn wybod beth fu ei hanes ef yn dilyn hyn, sydd mewn gwirionedd yn gwbl addas, gan y gorffennir ar nodyn gobeithiol.
Cadarnheir bod modd symud ymlaen ac adeiladu ar eiliadau tywyll anobaith gan esgor ar y llwyddiannau mwyaf ar 么l graddio o ysgol profiad.
