|
Y safle sydd dan olwg yw Fferm Pontygafel - yn Glandwr ble mae yna fwriad i gael 30 cartref Eco gyda 2 erw yr un - ar gyfer tyfu llysiau i bob cartref. Mae'r bobl sydd yn gwthio y syniad wedi creu mudiad newydd o'r enw LAMMAS ac yna chwilio am bobl a fydd am brynu i mewn i'r ffordd Eco o fyw. Pris y plotiau tir fydd 拢20,000 yr un ond fe fydd rheolau cadarn o ran y math o gartrefi a hefyd y ffordd o ailgylchu a chynhyrchu ynni cynaladwy ar gyfer sicrhau effaith isel ar yr amgylchedd.
Yn ystod mis Mehefin cynhaliwyd cyfarfod cyhoeddus ar fferm Pontygafel ble gwelwyd nifer o'r trigolion lleol yn troi allan i ddatgan eu pryder am gael datblygiad mor fawr yn y pentref a hefyd datblygiad nad oedd i weld yn berthnasol i bobl leol. Yr oedd y rhan helaeth o'r siaradwyr lleol a oedd yn erbyn y datblygiad yn bobl a oedd wedi symud i'r ardal ac ni chafwyd siawns i glywed oddi wrth y teuluoedd o aelwydydd Cymraeg.
Fe fu'r drafodaeth yn un go dwym ac er bod trefnwyr LAMMAS am gael pobl i ddod 芒 syniadau ar ffurf gweithdai trafod o gwmpas gwahanol fyrddau a phynciau, fe wnaeth y siaradwyr lleol fynnu mai trafodaeth agored a phleidlais agored oedd angen i weld a oedd pobl am weld y datblygiad yma neu beidio. Ar 么l tipyn o weiddi fe benderfynwyd annog i bobl i adael eu sylwadau yn y blwch ymateb a threfnu digwyddiad eto yn yr haf.
Wrth adael y cyfarfod fe fu tipyn o drafodaeth anffurfiol rhwng y brodorion a'r trefnwyr ac ar y cyfan mae pawb yn cytuno bod angen edrych ar ffurf o leihau effaith llygredd a nwyon t欧-gwyrdd sydd yn effeithio'r awyrgylch a dyfodol y blaned. Ond roedd gweld datblygiad mor fawr heb weld sut yr oedd pobl leol, yn arbennig pobl ifanc leol, yn mynd i fod yn glwm yn peri gofid. Y teimlad gan nifer oedd bod angen edrych ar ddatblygiad graddol ac i gynnig cyfle i bobl ifanc leol i gael tai fforddadwy a fydd hefyd yn dai a allai arbed ynni ac yn datblygu ar rai o'r agweddau o'r canllawiau Eco yr oedd LAMMAS yn gwthio.
Fe fydd nawr cyfarfod cyhoeddus pellach gan LAMMAS yn cael ei gynnal ar safle Ysgol Gynradd Glandwr ar y nos Wener 18fed o Awst 2006 rhwng 6.00 o'r gloch a 9.00 o'r gloch. Mae yna farbeciw wedi ei drefnu a chroeso i bawb ddod ynghyd i weld lluniau a'r gwybodaeth ddiweddaraf y bydd LAMMAS wedi darparu.
 |
听
