|
"Ddydd Sadwrn, y seithfed o Fawrth am naw y bore a thros gant o fyfyrwyr brwd Prifysgol Caerdydd yn gwneud eu ffordd am Abertawe. Digwyddiad - yr Eisteddfod Ryng-Golegol.
Fel myfyriwr MA sydd bellach ar ei bedwaredd flwyddyn yn y Brifysgol, yr oedd yna ryw ddyhead i gipio'r tlws eleni ar 么l dod yn ail am dair blynedd yn olynol.
Dyma gyrraedd Abertawe a'r criw i gyd yn ein crysau pinc Bybl-Gym-Gymiog yn barod i ganu, dawnsio, llefaru a golchi'r cyfan lawr yng ngwir draddodiad yr Eisteddfod Ryng-Golegol ag ambell joch o'r ddiod gadarn! Mae'n rhyfeddol sut y mae safon y perfformiadau yn codi'n sylweddol erbyn ddiwedd y prynhawn a hynny wedi sawl peint!
Fe ddechreuodd yr Eisteddfod yn weddol barchus gyda'r unawdau a'r ensembles gyda Chaerdydd yn cipio'r rhan fwyaf o'r gwobrau cyntaf. Ymhen hir a hwyr, daeth hi'n amser i wobrwyo llenorion yr Eisteddfod gyda'r ddwy brif wobr sef y Gadair a'r Goron yn llwybreiddio eu ffordd n么l i'r brifddinas. Anni Llyn gipiodd y Goron am stori fer ar y testun 'Goleudy' a Llyr Gwyn Lewis gipiodd ei ail gadair Ryng-Golegol am awdl ar y testun 'Libart'. Cipiodd Gwilym Dwyfor y Fedal Ddrama am yr ail flwyddyn o'r bron a hynny'n sicrhau mai Caerdydd oedd ar y brig wrth ystyried y cystadlaethau gwaith cartref yn unig.
Yn 么l at y cystadlaethau llwyfan ac roedd Bangor yn dal i fyny ar y pwyntiau gydag Aberystwyth, Abertawe a'r Drindod yn gwneud eu gorau glas i atal Caerdydd rhag mynd 芒 hi! Uchafbwynt yr Eisteddfod bob blwyddyn imi ydi'r corau ac nid oherwydd y cystadlu ond oherwydd y cyd-dynnu a'r cydweithio sy'n digwydd rhwng y gwahanol golegau. Braf oedd gweld hogia'r holl golegau yn ymuno 芒 Phrifysgol Abertawe i ganu 'Hafan Gobaith' a hynny i ddatgan ein diolch ni fel myfyrwyr Cymru i dim bach o'r Brifysgol honno a weithiodd mor galed i sicrhau llwyddiant ysgubol Eisteddfod Ryng-Golegol 2009. Ie, Caerdydd aeth 芒 hi a does dim angen cyhoeddi y bu cryn dipyn o ddathlu wedi hynny!
Lawr 芒 ni i Wind Street tra roedd y neuadd yn cael ei thrawsnewid ar gyfer y gig i barhau 芒'r antics blynyddol! Afraid dweud fod lein-yp y gig eleni yn wirioneddol wych gyda rhai o fandiau mwyaf cyffrous y sin roc Gymraeg yn barod i'n diddanu.
Ymgasglodd torf deilwng yn yr Undeb i fwynhau perfformiadau caboledig gan artistiaid megis Gwibdaith Hen Fran a Fflur Dafydd a'r Barf. Uchafbwynt y noson imi oedd perfformiad Derwyddon Dr Gonzo ac mae'n rhaid dweud mod i'n dangos tuedd gan fod fy mrawd, Dewi, yn chwarae'r bas! Fodd bynnag, fe lwyddon nhw i danio'r parti ymhellach a chan fod nifer ohonynt yn fyfyrwyr ym Mhrifysgol Caerdydd, pa ffordd well i gloi diwrnod llwyddiannus na chael ambell un o griw y coleg buddugol yn rocio ar y llwyfan!
Ar ran holl golegau Cymru felly, diolch anferthol i bwyllgor Gym Gym Abertawe am eu gwaith diffuant a didwyll dros y flwyddyn ddiwethaf yn paratoi a threfnu. Fel un sydd wedi mynychu pedair Eisteddfod Ryng-Golegol, gallaf ddweud yn ddi-flewyn ar dafod mai'r un olaf fu'r orau!"
 |
