|
|
|
|
|
|
|
MAWRTH 18fed Tachwedd 2014 Hygyrchedd Geiriau Yn Unig |
|
Noson Siomedig yng nghwmni Gogz, Caban a Maharishi  I
feddwl ei bod hi’n ddechra’ mis Awst a’r tywydd wedi bod yn reit ffafriol
hyd yn hyn ‘dwi’n meddwl fod tywydd dechra’ wythnos y ‘Steddfod wedi rhoi
downar ar bobol, a doedd yr awyrgylch ddim fel yr oeddwn i’n ei ddisgwyl.
Gwag oedd pabell Maes B a doedd adborth y gynulleidfa ddim yn galonogol iawn. Ond gan mai dechrau’r wythnos oedd hi fe alla i faddau i’r nifer aeth i gig Gogz, Caban a Maharishi. O glywed hanes y gigs eraill sydd wedi bod hyd yn hyn, dechra’ gwan iawn sydd wedi bod y flwyddyn hon. Dydw i ddim yn meddwl fod cael Gogz i ddechra’r noson wedi helpu ‘chwaith. Siomedig oedd perfformiad y band yma i mi. Roedd llawer o’r caneuon yn undonog a ni chafwyd dim amrywiaeth. O’n i’n teimlo nad oedd y band wedi rhoi cant y cant i’r perfformiad ‘chwaith. Doedd ‘na ddim egni tu ôl i’r perfformiad ac o ganlyniad i hyn siomedig iawn oedd adborth y gynulleidfa. Dim ond llond llaw oedd i fyny’n dawnsio ac yn dangos eu cefnogaeth i’r band, a’r gweddill yn clecio peintiau wrth ochr y bar heb gymryd dim diddordeb yn y grwp. Roedd perfformiad Caban yn llawer gwell. Buan iawn roedd pobol yn gadael y bar ac yn codi i ddawnsio ac i weiddi ar y band. Roedd yr egni yn amlwg y tu ôl i’r caneuon ac roedden nhw i weld fel tasa nhw’n mwynhau eu hunain gymaint â’r gynulleidfa.  Awyddus
oedd pawb i glywed uchafbwynt y noson, sef Maharishi. Heblaw bod Maharishi
wedi bod yn perfformio neithiwr byddai nifer y gynulleidfa wedi bod yn llawer
llai. Roedd llwyddiant y noson yn dibynnu arnyn nhw. Credaf bod y gynulleidfa wedi mwynhau ac yn falch eu bod wedi dod. Ond fe fyddwn i’n anghytuno â mwyafrif y gynulleidfa a dweud mai Caban oedd uchafbwynt y noson. Mi wnes i fwynhau yn fawr iawn ac efallai byddai’r band wedi bod yn well na Masharishi i orffen y noson. Ar y cyfan reit siomedig oedd y noson. Dim y grwpiau oedd yr unig fai am hyn ond roedd nifer y gynulleidfa a’u diffyg cefnogaeth nhw wedi creu awyrgylch isel iawn. Gobeithio y bydd bandiau weddill yr wythnos yn well ac y bydd y tywydd yn gwella hefyd er mwyn codi hwyliau yr Eisteddfodwyr.
| |
 © MMI |
|
|
About the ´óÏó´«Ã½ | Help | Terms of Use | Privacy & Cookies Policy |
