|
Lluniau'r Ponderosa ddoe a heddiw "Dwi'n gweithio yng nghaffi Ponderosa, Llangollen, a dwi 'di gweithio yma am bedair mlynedd. Mae'r cwsmeriaid i gyd yn neis a dwi'n dod i gyfarfod 芒 lot o bobl yma. 'Dan ni'n fwya prysur yn yr haf, a 'dan ni'n cael llawer o feicwyr i mewn, yn enwedig ar fore dydd Sul. Efo'r coaches mae cacennau a sgons yn boblogaidd gan eu bod nhw 'mond yn cael hanner awr. Paned o de a cacen a maen nhw'n mynd yn reit cwic! Efo'r beicwyr, brecwast sy'n boblogaidd. Yn y gaea 'dan ni ddim yn gweld eira fel roedden ni ers talwm.
Dwi'n dechrau'r gwaith am wyth o'r gloch a gorffen am bump. Mae'n ddiwrnod reit hir yn enwedig yn yr haf pan mae'n brysur yma. Peth cynta 'dan ni'n paratoi'r brechdanau, wedyn brecwast achos mae'r beicwyr yn dod yma'n reit fuan yn yr haf. 'Dan ni'n gorffen efo brecwast am hanner awr wedi un ar ddeg ac yn newid i ginio. 'Dan ni'n gorffen cinio am ryw hanner awr wedi dau neu tri o'r gloch wedyn mae na waith clirio a pharatoi ar gyfer y diwrnod nesa. Mae 'na ddigon o waith i'w wneud yma!
Mae'n dawelach yn y gaea achos 'dan ni ddim yn cael coaches yr 'un fath yn y gaea fel rydyn ni yn yr haf. Pan mae'r coaches yn dod mae'n andros o brysur.
'Dan ni'n cael pobl o dros y byd yma. Maen nhw i gyd yn neis, 'dan ni'n lwcus iawn! Mae pobl 'di bod yn dod yma am flynyddoedd - yn dod yma am ginio Sul. Ydyn, 'dan ni'n lwcus iawn yma!"
 |
