大象传媒

Mewn cornel o eisteddfod sydd i fod ar gyfer ieuenctid yr oedd hanner dwsin o neiniau yn cystadlu yn erbyn ei gilydd eleni.

Ac yr oedden nhw yr un mor frwd ag unrhyw un o'r cystadleuwyr eraill i gael eu dewis i fod yn llais nain y tu 么l i lyfr Cymraeg sydd ar y gweill.

A Mam-gu o Langwyryfon sydd ag wyth o wyrion a fu'n fuddugol - ac yr oedd pump o'r wyrion hynny yno ar faes yr Urdd i ddathlu efo hi.

Gwraig fferm wedi ymddeol yw Mari Jones a dywedodd ei bod wrth ei bodd yn darllen straeon i'w hwyrion.

"Weithiau mae gan fam-gu fwy o amser na rhieni i wneud hynny," meddai.

Ond dywedodd nad oedd erioed wedi cymryd rhan mewn 'cystadleuaeth' fel hon o'r blaen - hyd yn oed yn ferch fach doedd hi ddim yn adroddwraig na llefarydd.

"Na, dwi erioed wedi gwneud dim byd tebyg," meddai.

Bydd hi'n awr yn mynd ymlaen i leisio fersiwn Gymraeg ar DVD o lyfr The Ice Journey yn y gyfres Learn with Grandma Stories" gan Valerie Wood-Gaiger sy'n byw ym Myddfai ger Llanymddyfri.

Sefydlodd Valerie ei chwmni wedi iddi golli ei gwaith rai blynyddoedd yn 么l ac mae'r pecyn addysgol o lyfr, DVD a CD-ROM wedi ei anelu at blant "rhwng saith a 70!" meddai.

Mae'r llyfr cyntaf yn ymwneud 芒 chychwyn gwareiddiad a gwreiddiau'r Celtiaid gyda'r hanes yn cael ei adrodd gan fam-gu.

Ar gyfer fersiwn Gymraeg trefnodd Valerie, sydd mewn partneriaeth 芒 Carroll Nunnerley, wrandawiadau rhanbarthol ar hyd a lled Cymru gyda'r cyfan yn dod i fwcl ar faes Eisteddfod yr Urdd ddoe (dydd Iau) pan ddaeth chwech o neiniau - yn cynnwys un faeres - i ddarllen yn Gymraeg gerbron panel o feirniaid.

A Mari, a oedd wedi ei dewis i gynrychioli Merched y Wawr yn y gystadleuaeth anarferol hon, a ddewiswyd ganddynt i fod yn llais straeon mam-gu yn y Gymraeg.

"Mae'r cynllun hwn yn un da iawn ac rwy'n gobeithio y bydd yn ennyn mwy o neiniau i ddarllen i blant," meddai yn dilyn y dyfarniad.

Er i anhawster godi gydag arian i hyrwyddo'r fenter dywedodd Valerie ei bod yn benderfynol y bydd y fersiwn Gymraeg ar gael erbyn dechrau'r flwyddyn ysgol newydd, fis Medi.