大象传媒

Bydd Bardd Plant newydd Cymru yn ymweld ag ysgolion arbennig i gynnal gweithdai yn ystod y flwyddyn nesaf.

Dywedodd Caryl Parry Jones fod ganddi fab awtistig ei hun a'i bod yn ymwybodol o ofynion y plant hynny.

"Fydda i ddim yn eu diystyru nhw," meddai yn dilyn y cyhoeddiad oddi ar lwyfan Eisteddfod yr Urdd ddoe mai hi fydd yn olynu Gwyneth Glyn yn fardd plant cenedlaethol Cymru.

Hi yw'r wythfed i ddal y swydd ond i lawer bydd yn fwy adnabyddus fel cantores nag fel bardd - er iddi yn y gorffennol gyfansoddi geiriau i lawer o'i chaneuon ei hun.

"Ers yn blentyn mae gen i hoffter o iaith a beth fedrwch chi wneud gyda geiriau," meddai gan ychwanegu mai rhan o'i gwaith fydd trosglwyddo yr hwyl o drin geiriau i blant a'u cael i fynegi eu teimladau.

Dywedodd ei bod yn edrych ymlaen yn fawr at y gwaith.

"Yr oeddwn i'n gwbl 'chuffed' pan gefais i'r cynnig. Mi gefais i fy ngwahodd am goffi gyda Carys Wheelan o S4C a doedd gen i ddim syniad beth oedd ganddi hi mewn golwg. Roeddwn i wrth fy modd gan fod hon yn swydd unigryw a'r llinach yn un anrhydeddus iawn - tan r诺an!" meddai.

Dywedodd fod ganddi hi hoffter personol o bob math o farddoniaeth o gerddi caeth beirdd fel Ceri Wyn Jones, Tudur Dylan Jones a Myrddin ap Dafydd sydd wedi dal y swydd o'i blaen i gerddi Spike Milligan.

"Rydw i'n mwynhau cerddi y gallwch eu mwynhau ar fwy nag un lefel sy'n gwneud ichi feddwl yn ddyfnach os ydych eisiau," meddai.

Er yn byw yn y Bont-faen yn awr un o Ffynnongroyw ger Prestatyn yw Caryl Parry Jones ac wedi ennill ei phlwyf yn canu ac yn actio.

Mynychodd Caryl Ysgol Mornant, Ffynnongroyw ac Ysgol Glan Clwyd, Llanelwy a Phrifysgol Cymru, Bangor, lle y graddiodd yn y Gymraeg.

Mae hi wedi canu a pherfformio gyda sawl band dros y blynyddoedd, gan gychwyn yn yr ysgol gyda Sidan, yna Injaroc, Bando, a Caryl a'r Band.

Mae hi bellach yn canu gyda'i band a chyda'r gr诺p harmoni clos, Harmony Central.

Dywedodd mai un uchelgais ganddi fydd cael cantorion adnabyddus i ganu gwaith a gyfansoddwyd dan y cynllun gan blant.

Yn ogystal 芒 sgwennu caneuon, mae'n awdur sawl ffilm i blant gan gynnwys ysgrifennu sgript a chaneuon Y Dyn Nath Ddwyn y Nadolig (1985) ar y cyd 芒 Hywel Gwynfryn ac Anrheg Elin (2000).

Bu ganddi ei chyfres ddynwared ei hun ar S4C yn yr 80au ac yn ddiweddar bu'n hyfforddi tu 么l i'r llwyfan ar y gyfres Wawffactor ar S4C. Mae hefyd yn aelod o d卯m Talwrn Y Taeogion.

Cynllun ar y cyd rhwng S4C, Cyngor Llyfrau Cymru, Yr Academi Gymreig ac Urdd Gobaith Cymru yw Bardd Plant Cymru i "godi proffil barddoniaeth ymysg yr ifanc, a'u hannog i greu a mwynhau cerddi".

"Mae hon yn joban dwi'n edrych ymlaen yn aruthrol tuag ati. Does dim yn fwy deniadol, gonest a byw na dychymyg plentyn ac mae cael cyfle i grwydro drwy'r tiroedd breision hynny yn ddim llai na braint.

"Dwi'n gobeithio cael oriau o hwyl a sawl agoriad llygad."