Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
A55 ar gau wedi i lori droi drosodd ger Bangor
Mae rhan o'r A55 wedi cau ger Bangor wedi i lori droi drosodd.
Cafodd y l么n orllewinol ei hailagor cyn 1pm ond mae'r heddlu wedi dweud na fydd modd ailagor y ffordd ddwyreiniol tan tua 6pm.
Mae'r gwasanaeth t芒n wedi dweud bod un person wedi ei anafu.
Cafodd y gwasanaethau brys eu galw am 7:50am wedi i'r lori droi ar ei hochr ar y ffordd tua'r dwyrain rhwng Cyffordd 13 (Abergwyngregyn) a Chyffordd 14, gan rwystro'r traffig ar y ddwy l么n.
Cafodd y l么n tua'r gorllewin ei chau am gyfnod fel y gallai cerbydau'r gwasanaethau brys gyrraedd y safle ac mae llawer o ddisel wedi gollwng ar hyd y ffordd, ond mae'r lon bellach wedi ailagor i gyfeiriad Bangor.
Dywedodd Kenny Jones o Langefni: "Mi adewais i Langefni am 7.30 y bore 'ma gyda'r bwriad o fynd i Blackpool.
"Oherwydd y trafferthion mi wnes i aros am ddwy awr a hanner ... mi oedd pedwar o blant yn y car.
"Mi droais i rownd cyn mynd trwy Fetws-y-coed ond roedd y traffig yn ofnadwy.
"Yn y diwedd mi es i adra ... mi oeddwn i wedi talu mwy na 拢100 er mwyn mynd i'r traeth yn Blackpool."
Dywedodd Judy Barry o Ddyffryn Conwy: "Mi adewais i Gonwy am 10am oherwydd cyfarfod yng Nghaergybi.
"Yna mi es i ar yr A55 i gyfeiriad y gorllewin yng Nghonwy.
"Am 11am doedd y car ddim yn symud ac mi oeddwn i mewn rhes hir ym Mhenmaenmawr ond wedyn mi oedd goleuada traffig yn golygu mod i'n gallu cyrraedd cylchfan Llanfairfechan lle ces i gyfarwyddyd i fynd yn 么l ar yr A55, hynny yw o le yr oeddwn i wedi dod.
"A deud y gwir, mi wnes i wastraffu dwy awr ... mi fyddai arwydd neu gyfarwyddyd heddlu ar ffordd ymuno Gorllewn Conwy wedi fy stopio rhag ymuno 芒 thagfeydd ..."
Tagfeydd
Roedd cerbydau oedd yn teithio i gyfeiriad y dwyrain yn cael eu dargyfeirio o gyffordd 11 o'r A55 (Llandygai/Bethesda) ar hyd yr A5 i Fetws-y-coed cyn ail-ymuno gyda'r A55 yng Nglan Conwy ar Gyffordd 19.
Penderfynodd yr Asiantaeth Priffyrdd gau twnnel Conwy er mwyn sicrhau na fyddai cerbydau'n mynd yn sownd.
Gan fod y traffig yn cael ei ddargyfeirio drwy Fetws-y-Coed a Llanrwst roedd tagfeydd difrifol yng nghanol tref Llanrwst ac roedd oedi hir wrth fynd i mewn i Fethesda wrth i draffig tua'r dwyrain gael ei ddargyfeirio o gyffordd 11 o'r A55 i lawr Dyffryn Conwy.
