Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Cwest: Menyw wedi boddi yn ei chartref yn Llanelwy
Ffynhonnell y llun, North Wales Police
Mae cwest wedi clywed bod y fenyw gafodd ei darganfod yn farw yn ei chartref yn ystod y llifogydd yn Llanelwy wedi boddi.
Cafwyd hyd i gorff Margaret Hughes gan dimau achub wrth iddyn nhw helpu pobl i adael eu cartrefi yn y ddinas ddydd Mawrth.
Fe gafodd cwest i'w marwolaeth ei agor a'i ohirio ddydd Gwener gan grwner dros dro canol gogledd Cymru, John Gittins.
Clywodd y cwest fod archwiliad post mortem patholegydd y Swyddfa Gartref Dr Brian Rodgers yn dangos mai achos ei marwolaeth oedd iddi foddi.
Fe fyddai wedi dathlu ei phen-blwydd yn 92 oed ddydd Iau.
Yn gynharach yn yr wythnos, fe roddwyd teyrngedau i Mrs Hughes gan ei theulu.
Dywedodd ei chymydog Mandy Williams fod Mrs Hughes bob tro 芒 gair caredig i'w chymdogion.
"Roedd yn edrych ymlaen at fynd i siopa ar gyfer ei phen-blwydd," meddai.
