´óÏó´«Ã½

Wythnos yma y canwr a'r cyflwynydd Wynne Evans sy'n Ateb y Galw. Cafodd Wynne ei enwebu gan Eleri Siôn yr wythnos diwethaf.

Fy atgof cynta' yw o fod yn fachgen bach yn edrych drwy ffenestr y tÅ· yng Nghaerfyrddin yn aros i'r ysgol feithrin ddechrau... o'n i'n casau yr ysgol, yr unig beth da am y lle oedd bo' fi wedi cyfarfod fy ffrind Peter yno pan yn dair oed, ac ry'n ni'n ffrindiau gorau 40 mlynedd yn ddiweddarach.

Dyna chi gwestiwn! Wel, pan o'n i tua 14 roeddwn i mewn cariad yn llwyr efo Julia Roberts, a dwi'n meddwl mai 'Pretty Woman' yw fy hoff ffilm hyd heddiw. Fy nghariad cynta' yn 15 oed oedd Vanessa, aeth hi 'mlaen i fod yn blismones a dwi'n meddwl fod hi dal i fyw yn Sir Gâr.

Mae pethau fel'ma yn digwydd drwy'r adeg i fi! Nes i ddisgyn lawr grisiau rhywbryd pan oeddwn i ar y llwyfan. Unwaith fe lwyddais i 'sgubo pry o fy nhalcen ar y llwyfan yn syth i geg y brif actores - na'th hi bron tagu i farwolaeth... roedd hynna'n eitha embarrassing.

Dwi'n crio trwy'r amser! Dwi'n un o'r bobl 'ma sy'n crio yn edrych ar raglenni am anifeiliad sy'n sâl. Nes i grio pan golles i fy rieni wrth gwrs, sy'n beth ofnadwy i fynd drwyddo.

Y tro diwethaf i mi grio odd mewn cinio i Hayley Parsons a oedd yn gadael fel perchennog Gocompare. Mae hi wedi bod yn rhan enfawr o fy mywyd i yn broffesiynol a dwi'n falch iawn o'i galw hi'n un o fy ffrindiau agosaf.

Dwi'n cnoi fy ngwinedd, dwi'n flêr, ond eto gydag obsesiwn o fod yn daclus yr un pryd. Fy mai mwya' o ran personoliaeth yw fy mod i'n gallu dal dig am byth, sydd ddim yn beth da yn y byd adloniant.

Caerdydd! Dwi wrth fy modd gyda'r lle. Wnes i symud yma yn 1998 ac fe alla i ddweud yn onest ar ôl gweithio ledled y byd mod i byth yn hapusach na phan fydda i'n cerdded neu'n beicio o amgylch Caerdydd.

Dwi'n lwcus iawn i ddweud fy mod wedi cael nosweithiau arbennig iawn. Fe es i a Hayley Parsons i Downing Street yn ddiweddar ar Ddydd Gŵyl Dewi, ac fe gawson ni wahoddiad i Dŷ'r Cyffredin. Roedd hi'n noson wych.

Nagoes ond mi fyswn yn hoffi un!

Dywedodd Rhys, cyfarwyddwr fy rhaglen ar S4C, 'Am Ddrama', ei fod wedi gwneud rhaglen am drefnwyr angladdau a phan maen nhw yn gweld tatŵ ar gorff marw, eu bod nhw'n meddwl 'mae ganddyn nhw dal bersonoliaeth'.

Felly gan fynd yn hŷn a phoeni llai a llai beth mae pobl yn ei feddwl dwi'n ystyried fwyfwy cael tatŵ. Baswn i'n hoffi cael llythrennau fy nheulu yn rhywle; fy ngwraig Tanwen, fi - Wynne, fy merch Ismay a fy mab Taliesin... ond yn anffodus mae hynna'n sillafu TWIT!

Dwi newydd ddarllen llyfr o'r enw 'The Secret' sydd wedi newid y ffordd dwi'n edrych ar y byd, rwy'n teimlo'n fwy positif ar ôl ei ddarllen.

Fy wellies! Dwi'n cerdded gyda'r ci bob dydd felly mae nhw'n angenrheidiol!

Dwi ond yn cael cyfle i weld ffilmiau i blant i ddweud gwir ond fe welais 'The Imitation Game' yr wythnos diwethaf ac roedd o'n wych!

Fy hoff albwm yw albwm arias gan Montserrat Caballé. Mae ei fersiwn hi o'r aria o 'La Rondine' yn gwneud i mi grio bob tro.

Cwrs cynta' - scallops a phwdin gwaed.

Prif gwrs - stêc!

Pwdin - crymbyl riwbob a chwstard, er byddai'n rhaid cael digonedd o crymbyl ac hefyd galwyni o gwstard.

Yna byddai rhaid cael caws!

Yn sicr tecstio. Dwi byth yn ateb y ffôn, dwi'n ei gasau e. Os ydych chi'n anfon e-bost neu decst cewch chi ateb yn gyflym iawn fel arfer!

Wow! Barry Manilow dwi'n meddwl.... oherwydd mi fysa fo'n ddiwrnod rhyfedd iawn.

Alex Winters, cyflwynydd CBeebies